PR Lú Olo Despedida Atleta 65 Sea Games Malaysia

PR Lú Olo Despedida Atleta 65 Sea Games Malaysia

- in Nasional
274
0
leo-hornai

DILI – Prezidente Republika Francisco Guterres Lú Olo halo despedida ba atleta nain neen nulu resin lima (65), kompostu husi modalidade sia (9) neebe sei partisipa iha eventu Sea Games iha Malyasia.

Tuir Sekretariu Estadu Juventude no Desposrtu (SEJD) Leovigildo Hornay iha nia intervista hateten Governu ho Confederasaun Desportu Timor-Timor-Leste (CDTL) hamutuk ho Comite Olimpiku Nasional hamutuk ho atleta sira neebe maka sei partisipa ba iha jogu sea games iha Malaysia, mai iha palasiu Prezidensial atu hetan motivasaun orientasaun no mos liafuan espiritu no lia fuan kmanek sira husi Prezidente Republika Francisco Guterres Lú Olo.

Ohin ita mai ofisialmente husik ita nia atleta sira iha palasiu prezidensial nian tamba atleta sira nee ba lori no representa mos estadu, representa nasaun tantu reprenta bandeira,” dehan Leovigildo Hornay ba jornalista, iha palasiu Presidensia Bairo Pite, Sesta (11/8/2017).

Nia dehan ba Atleta sira nee maka tuir eventu Sea games hetan apoiu makas husi parte governu tantu estadu liu husi Prezidente Republika rasik, tamba nee maka ohin husik seremonia despedida ho atleta sira, Prezidente Republika maka direitamente husik.

Seremonia despedida neebe Prezidente Republika Francisco Guterres Lú Olo halao ho atleta sira halo direitamente iha palasiu prezidensial Bairo Pite, neebe maka akompania iha seremonia nee rasik, Sekretariu Estadu Juventude desportu Leovigildo Hornay, Prezidente Confederasaun Desportu Timor-Leste Afrano Xavier no Vise Prezidente Komite Nasional Olimpiku Timor-Leste  Mateus Carvalho. Natalino Costa

Facebook Comments

Leave a Reply

Your email address will not be published. Required fields are marked *