PD Sei Iha Enkontru Segundu, Alkatiri: Fretilin Maka Forma Governu, Laiha Tan Partidu Seluk

PD Sei Iha Enkontru Segundu, Alkatiri: Fretilin Maka Forma Governu, Laiha Tan Partidu Seluk

- in Nasional
410
0
Alkatiriiiiiiiiiiii

DILI-Iha eleisaun foin lalais povu hili ona partidu Fretilin, tanba nee hakarak ka lakoi partidu nee maka sei forma Governu, laiha tan partidu seluk maka atu forma.

Hafoin remata inkontru ho partidu PD Sekjer Partidu Fretilin Mari Alkatiri ba jornalista sira katak, ho rejultadu inkontru sira hanesan nee, partidu lima sei nafatin iha Parlamentu Nasional. Portantu hotu hotu iha vontade atu lori Estadu nee ba oin hanesan, tanba nee mantein deit diskute buka dala oinsa atu lori Estadu nee ba oin.

Hau kontenti tanba ita hotu hanoin atu lori rai nee ba oin, importante laiha ona ida be akontese uluk nee laiha ona, hotu hotu iha sentidu de responsabilidade, tanba nee Hau dehan ona Fretilin maka sei forma VII Governu, laiha tan partidu seluk atu forma,” dehan Sekjer Partidu Fretilin Mari, ba jornalista sira, iha Hotel Novu Turismu, Dili, Sesta (11/08/2017).

Sekjer partidu Fretilin Mari haktuir tan katak, Inkontru ohin ho PD koalia oinsa, Fretilin ninia politika ba oin forma Governu halo nusa, depois delegasaun PD rona sira sei lori fali ba partidu, atu halo analizasaun ba posizaun Fretilin nian.

Iha fatin hanesan Prezidente Partidu Demokratiku Mariano Asanami Sabino hateten, Iha tempu badak Pardtidu Demokratiku sei fo respota ba diskusaun neebe maka PD ho Fretilin kolia. Tanba Partidu Demokratiku nia prinsipiu maka aposta ba interese estadu no respeita malu nee importante liu.

Entretantu responde oinsa PD nia kontaktu ho CNRT lao to iha neebe ona, Asanami hateten, PD sempre aposta ba interese estadu no dialogu metodu ida neebe maka diak liu. Tanba ba ukun ho oposizaun nee kaduak rua neebe maka mai husi rejultadu eleisaun, tanba kaduak rua nee bele iha funsaun ketak ketak mais mai husi inan ida deit maka Timor. Carme Ximenes/EST2

Facebook Comments

Leave a Reply

Your email address will not be published. Required fields are marked *