Despede Funsionariu, PR Taur Matan ben Monu

Despede Funsionariu, PR Taur Matan ben Monu

- in Nasional
664
0
Taur

DILI- Presidente Republika Taur Matan Ruak halo seremonia despedida ikus ho funsionariu palasiu Presidensial tomak. Iha seremonia despedida ikus nee PR Taur hikis mata ben tamba durante mandatu funsionariu sira servisu ho diak no vontade tebes.

Seremonia despedida neebe maka loke uluk ho atribuisaun medalla meritus ho grau orden de Timor-Leste, neebe maka fo husi Presidente Republika Taur Matan Ruak ba iha Eis xefe kasa sivil Fideliz Magalhaes, aktual Xefe Kasa Militar Presidensia Republika Coronel Jose da Costa Trix. No PR Taur Mos kondekora medulla grau ensigne ba asesor juridiku xefe kasa militar plasiu Presidente Prof. Dr. Ricardo de Souza.

Alende nee mos PR Taur kondedora asesor nain 11 neebe maka desde uluk hahu mandatu servisu hamutuk ho nian, Taur kondekora ba medala meritus ba membru PNT balun neebe maka destaka iha palasiu Presidensial hodi halo servisu iha fatin nee.

Iha biban nee Presidente Republika Taur Matan Ruak entrga sertifikadu apresiasaun ba funsionariu sira hamutuk 300, neebe maka servisu iha palasiu Presidensial tamba ho sira nian didikasaun servisu neebe maka diak durante PR Taur nian mandatu.

Liu husi okasiaun nee PR Taur Matan Ruak liu husi nian deskursu hateten tempu badak los maka hamutuk, nia nunka espera atu servisu hamutuk ho funsionariu sira, maeibe grasa konfiansa neebe maka povu fo, ho ida nee onra no privilizu neebe maka bele representa nasaun nudar Presidente Republika iha mandatu tinan lima.

Ita hotu neebe maka iha nee ita nee idsa deit  saida maka ita bele halo hodi kontribui ba iha ita nian nasaun nee liu husi esforsu ita nian rasik, maibe hau hakarak dehan deit katak ba funsionariu hotu ba ita hotu durante nee ita ida deit, durante hau nian mandate hau nuka iha keiza ba iha hau nian servisu tamba husi funsionariu sira neebe maka durante tinan lima halo servisu ho diak tebes hosi fo apoiu ba iha hau nian mandate rasik,” dehan PR Taur liu husi deskursu bainhira halo seremonia despidida ho funsionariu tomak iha palasiu Presidensial Aitarak Laran, Sesta (12/5/2017).

Nia dehan maske durante tinan lima nee iha funsionariu sira hetan desafisu, maibe husi ida nee sai hanesan esperensia ida, tamba ema neebe maka aprende husi sala maka ema neebe servisu nain. Natalino T.da Costa

 

Facebook Comments

Leave a Reply

Your email address will not be published. Required fields are marked *