Xina Faan Sasan Rahun, Hamate Kios Ki’ik

Xina Faan Sasan Rahun, Hamate Kios Ki’ik

- in Economics
754
0
Estranjeru

DILI – Negosiante xina neebe faan sasan rahun, hamate mos negosiante timor-oan neebe faan iha kios ki’ik.

Tuir kios nain Amelia Paulina Ximenes hatete, hanesan negosiante kios ki’ik, nia  sente triste tebes tanba xina sira neebe mai loke negosiu iha Timor Leste (TL), sira fa’an mos sasan rahun hanesan ho Timor oan sira fa’an iha kios ki’ik sira.

Hau hanoin ita nia governu maka tenke kontrola didiak ema estrajeiru sira neebe mai halo negosiu iha TL, importante sira mai atu faan sasan neebe ho lusin, atu nunee ami negosiante Timor-oan ba sosa hodi mai faan fali, agora ita haree sira mos faan sasan rahun hanesan ho ami entaun, halo ami nia sasan mos ladun hetan rendimentu neebe mak diak,” dehan Amelia ba STL iha nia kios Bairo-Pite Hudi-Laran, Domingu, (07/05/2017).

Nia hatutan, lolos Negosiantes Xina sira nee, loke mak fabrika ruma, atu nunee hatama Timor-oan sira ba servisu, sei mai faan sasan rahun henesan fali ho Timor oan sira, ida sai hanesan hanesan kompetisaun entre negosiante Timor-oan ho negosiante xina sira.

Sira faan sasan rahun hanesan masako, masimidar, masin, inklui sasaun rahun sira neebe mak negosiante kios ki’ik sira sempre faan iha sira nia kios kiik Dili laran, tanba nee hanesan negosiante Timor-oan husu nafatin ba iha governu atu kontrola makas negosiante xina sira neebe mak faan sasan rahun hanesan ho timor-oan sira.

Iha sorin seluk Maria Ponciana, mos lamenta tebes ho negosiante Xina neebe mai faan mos sasan rahun, hanesan mos ho sasan rahun neebe mak maluk Timor-oan sira faan iha kios kiik.

Ami triste tebes tanba Xina sira nee mos faan iha estrada ibun kedas, entaun atu halo kompetisaun iha merkadu negosiu nian, bele dehan xina domina liu, xina mos faan sasan rahun sira neebe ami kios kiik mos fan hotu,” dehan Maria.

Antes notisia ida nee hatun, STL sedauk halo konfirmasaun ho parte neebe maka kompeten hanesan MCIA hodi responde preokupasaun hirak nee. Sonia Ferreira

Facebook Comments

Leave a Reply

Your email address will not be published. Required fields are marked *