Xina Domina Ekonomia 

Xina Domina Ekonomia 

- in Economics, Politics
102
0
images (3)

Editora: Carme Ximenes

DILI – Xina domina ekonomia  Timor Leste (TL), tanba governu  loke odamatan, ba sira hodi mai halo investimentu iha rai laran.

Diretor Ezekutivu HAK, Manuel Monteiro dehan, governu loke odamatan luan tebes ba Xina sira ,hodi mai halo investimentu iha rai laran.

Nee ita mak loke ita nian odamatan, agora odamatan nee loke husi governasaun ida neebe, dehan Manuel ba STL, iha nia knaar fatin Farol, Dili, Kuarta (09/01/2020).

Tuir nia, governu ba dala ualu mak loke odamatan nee luan tebes, haree Xina nia investimentu hanesan palasiu prezidensial nee sira mak halo, edifisiu MNEK, edifisiu F-FDTL nee mos xina mak halo.

Ita keta nega, Xina tama mai konsege fo servisu ba Timor oan barak, uluk hudi laran nee, tuku lima ou nen lao ba mai la diak,  rama ambon ema tuda malu, liu ba mai la diak, maibe agora kalma, tanba Xina mai fo servisu ba ema, nia dehan.

Responde kona ba Xina nia sasan laiha kualidade Manuel hatete, governu nia funsaun atu halo kontrola ba sasan sira nee, tanba Xina mai domina ekonomia iha rai laran.

Ita nia governu mak tenke kontrola ba auto ekonomiku iha ita nia rai laran, se mak bele tama mai, no tama mai ho rekejitus oinsa, tanba ita iha lei investimentu, Manuel hatete.

Nia hatete, Xina nakonu iha rai laran, nee husu responsabilidade ba 4 governu mai too governu ohin loron nia, sira halo saida ba situasaun ida nee.

Kuandu povu preokupa, ema sira nee mai husi neebe,se ita nian odamatan taka metin, ema la naran mai, entaun se mak sala ba ida nee, dehan nia.

Nia sublina, oinsa mak atu bele fo kriteria merkadu ninia ba sidadaun Xina sira nee, liu-liu ba sasan sira neebe mak tama mai iha TL, tanba hakarak produtu neebe tama mai nee, produtu ho numeru hira, no labele husik merkadu nee hanesan nee bebeik.

Ita nian governu mai ho argumentu ida katak, tanba ita adopta merkadu livre, se mak adopta,merkadu livre iha TL, la hanesan ho merkadu livre iha Amerika, agora ita nian sasan naran tama iha merkadu Amerika ninian ka, dehan nia.

Iha fatin seluk deputadu  bankada PD Antonio da Conceição hatete,kona ba Xina nia sasan kualidade ou la kualidade, nee ema ida-idak mak atu haree ba sasan sira nee, tanba sasan ida neebe mak bratu ba nia, nain rasik mak tenke haree.

Nia hatete, tanba buat ida kualidade nee depende ba ninia presu, agora sasan sira neebe mak liu prazu nee, governu presiza halo kontrola ba sasan sira nee.

Husi parte ida ita bele dehan, empreza sira husi liur, Xina sira neebe  loke hela sira nian atividades komersiu nee, ba hau bele dehan, se ita dependensia ba deit Indonesia, ita nian kapasidade atu hola sasan nee laiha, dehan deputadu Antonio.

Nunee mos, Joao Maia da Costa Ximenes hanesan joventude suku Bairo-Pite hatete, iha aldeia ida nee, komparasaun uluk ho agora iha mudansa uituan, tanba hudi laran uluk la hanesan ho uluk nakonu ho hudi, maibe agora domina ho sidadaun Xina, neebe halao atividades komersial, hodi hatama joven sira neebe durante nee la hetan servisu.

Hudi laran agora nee nakonu xineza sira, neebe mak halao atividades negosiu, no loke apartamen, hodi fo faan material konstruksaun, supermarket, hodi bele fo servisu ba joven feto no mane, tanba kompara ho uluk, joven barak la hetan serivsu, tenik nia.

Jacinta Sequeira/Madalena Horta

 

Komentariu

Facebook Comments

Leave a Reply

Your email address will not be published. Required fields are marked *