Xanana: Tibar Pontesia ba Area Industria

Xanana: Tibar Pontesia ba Area Industria

- in Economics
2980
0
Nana

DILI – Ministru Planeamentu Investementu Estrateziku (MPIE), Kay Rala Xanana Gusmao hatete Tibar sei sai sentru industria tanba ho prezensa Portu Tibar bele hamenus ona Importasaun, tanba nee, husu atu komunidade labele halo uma iha area refere.

Xanana kasu lia hirak nee, wainhira partisipa dereitamente ba iha seremonia Primeiru pedra ba konstrusaun Portu Tibar neebe halao iha Tibar, Munisipiu Liquesa Kuarta, (14/06/2017).

Ita sei hadia ita nia rai nee, mas hotu – hotu tenke partisipa ho diak, hau fiar katak ita sei ba oin, tanba nee hau aviza, laos ema hotu – hotu atu la bele mai hela iha tibar nee, Tibar nee partensia husi zona indsutria, halo pequena industria, nunee aumenta exportaun no hatun importasaun nunee osan labele ba liur maibe osan sei ba produtor povu nian balu ho nunee deit hau fiar ita bele hatun kiak iha ita nia rai,”dehan Gusmão.

Nia dehan, prosesu konstrusaun Portu Tibar rasik, sei zere husi konpania Bollere Portu husi Frances ho durasaun servisu to 2020, ho total orsamentu 490 Milloens Dollar Amerikanu neebe investe hamutuk entre konpania ho Guvernu Timor Leste (TL).

Aktual Prezidente partidu CNRT nee husu ba Sekretariu Estadu Terras Propreidade Jaime Xavier Lopes atu labele autoriza tan populasaun sira atu hela iha area Tibar.

Senhor Sekretariu Estadu Terras Propioridade la bele arbiru fo tan lisensa halo tan uma arbiru, tanba sira halo duzentus dollar sira husu konpensansi Dois Mill Dollars. Presiza hanoin neebe luan nunee lori Timor ba dezenvolvementu neebe boot, atu denzenvolve ita nia rain, ita nia hanoin nee tenke luan liu suku, ita nia dezenvolvementu tenke luan liu Timor haree ba dook laos haree deit ba Timor laran,”dehan Xanana.

Xanana mos akresenta liu taan katak, Timo tenke exporta, la bele importa bebeik. Importa buat hotu-hotu, Bee rasik deit mos importa tanba nee mak ba oin Timor tenke hanoin produs, husu mos ba Setor Privadu atu book aan, atu hanoin para investe,”dehan Xanana Gusmao.

Iha fatin hanesan Sekretariu estadu Terras Propioreidade hatan ba apelu husi Eis Primeiru Ministru Kay rala Xanana Gusmao, kona ba komunidade hari uma, Jaime Xavier Lopes hatete, Uma sira nee lisensa sai husi obras publika, ami nia servisu mak halo konta deit ba rai no uma neebe mak estadu nian, agora dadaun uma sira neebe halo iha area neeba nee, (Tibar-reed) lisensa nee tenke sai husi Obras Publiku mak fo autorizasaun.

Wainhira halo uma iha rai privadu ami labele manda, maibe iha rai estadu mak ami foin iha dereitu notifika sira.

Hanesan Lider ida fo hanoin, tanba parte tesik ba nee (Tibar-red) atu sai zona industria tanba nee mak Estadu sei lahatan tan ba ema atu halo tan dezenvolvementu iha besik Portu nee tanba area nee Estadu nian neebe mak futuru mai sei halo buat ruma iha nee,” hatan Jaime.

Jaime mos fo apelu ba komunidade sira atu futuru mai labele tan hanoin atu halo uma iha Tibar.

Hau fo hanoin mos komunidade sira katak area ida Tibar futuru mai area industria, nee duni wainhira atu halo uma privadu karik la bele iha nee (Tibar), neebe husu ba Xefe suku, Aldea, Admistrador Posto no Munisipiu sira atu labele hatan atu ema halo uma,”dehan Jaime.

Nunee mos Ministru Obras Publika Transporte e Komunikasaun, Gastão de Sousa mos esplika, Portu Dili la bele augenta ona atu simu sasan Importasaun neebe mai husi rai liur, tanba portu Dili multi fungsaun tantu pasazeiru nunee Guvernu hola desizaun para bele harii Portu Tibar nee.

Portu Tibar hanesan iha dezenu, bele akomoda roo ahi neebe boot depois nee boot teb- tebes nunee parseria Setor Privadu mak kontroi portu nee, Guvernu tau osan balun no setor privadu mos tau osan balun,”dehan Gastão

Nia hatutan, Guvernu estuda kuaze viabilidade tinan lima nia laran hodi foti desizaun nunee finalmente.

Ohin ita halo lansamentu ba primeiru pedra, espera katak bele sussesu para bele impleamenta fali ba projeitu seluk,”tenik nia.

Guvernu nia investimentu iha Portu Tibar ho montante sentu trinta milloens Dollares Amerikanu, nunee tempu konsensoens mak hamutuk tinan 30 harii no halo Management.

Orasamentu boot liu mak Setor Privadu, ita iha Sentu Trinta Milloens ho duransaun tempu konsensoens mak trinta anos para sira harii ho halo manegementu para depois entrega fali mai guvernu bele zere fali ho kondisaun neebe diak,” realsa Gastão.

Seremonia lansamentu primeiru pedra ba Portu Tibar hetan partisipasaun husi Membrus guvernu hanesan Ministru Obras Publika Gastao Sousa, Minstra no Vice Minstru finansas Santina Cardoso e Helder Lopes inklui Sekretariu Estadu Terras e Propriedade Jaime Xavier Lopes, korpu diplomatiku inklui konpania konstrusaun Portu Tibar, Bollore port no konvidadus seluk. Natalino Belo/Lucia Ximenes

Facebook Comments

Leave a Reply

Your email address will not be published. Required fields are marked *