Xanana Partisipa Ekonomia Azul

Xanana Partisipa Ekonomia Azul

- in Economics, International
174
0
images (3)

DILI-Governu liu husi Konsellu Ministru (KM) nomeia Kay Rala Xanana Gusmão, hodi partisipa hanesan reprezentante governu Timor Leste ba ekonomia azul, iha Nasoens Unidus.

Nomeiasaun nee aprova liu husi proposta rezolusaun governu, neebe Primeiru Ministru Taur Matan Ruak aprezenta, hodi hatuur pozisaun nuudar reprezentante espesial ba ekonomia azul neebe Xefe Negoasiador Prinsipal Fronteira Maritima,  Kay Rala Xanana Gusmão mak sei dezempena.

Konsellu Ministru hahu aprova proposta rezolusaun governu, neebe PM aprezenta, hodi  hatur Xanana Gusmão hanesan reprezentante governu ba ekonomia azul ou blue ekonomi,” dehan Ministru Prezidensia no Konsellu Ministru, Agio  Perreira ba Jornalista sira, hafoin remata enkontru KM, iha palasiu governu, Dili, Kuarta (18/12/2019).

Ministru Prezidensia no Konsellu Ministru nee haktuir tan katak, pozisaun neebe governu deside  hodi nomeia Xanana nee, atu halo advokasia no apoia iha nivel nasional no internasional.

Posisaun ida nee nia objetivu mak fo advokasia no apoia iha nivel nasional no internasional ba kresimentu ekonomia azul iha Timor-Leste, oinsa uza didiak rekursu oseaniku hodi hasae ekonomia, no mos aprezenta oportunidade barak  ba Timor Leste ninia dezenvolvimentu sosial no ekonomiku, dehan Agio.

Ekonomia azul tuir Agio katak, mundu tomak no nasaun unidas promove makas, tanba nee relevante mos ba Timor-Leste hafoin mnan iha conciliation  comition ba United nation convention for development the Sea  (UNCLOS) neebe fo servisu todaan ba Timor Leste, atu tau matan ba tasi liu liu tasi neebe mak pretense ba riko soin Timor nia.

Iha okaziaun nee Konsellu Ministru (KM) mos, aprova proposta  husi Ministeriu Ensinu Superior Siensia no Kultura (MESSK). Neebe sei halo asina akordu kooperasaun ho universidade lima husi Portugal no Tailandia.

Enkuantu kooperasaun entre Ministru Ensinu Superior Siensia no Kultura no Universidade Portugal hanesan; Universidade Dominho, Porto, Evora, Algarve no mos Institutu Politekniku Porto no Universidade Walailak Tailandia,  atu simu estudante bolseiru Timor oan sira.

Aleinde nee Ministra Edukasaun, Juventude no Desportu, Dulce de Jesus Soares,  husu KM atu halo aprovasaun diploma governu tau fo rekonesementu ba eukador infansia no direzentes eskolares Timor Leste neebe hanorin ho distinasaun, servisu neebe sira halo.

Rekonesmentu nee sai nuudar motiva sira, atu kontinua nafatin promove edukasaun ho kualidade, ba ita nia labarik no juventude sira, dehan nia.

          Nia dehan, rekonesementu importansia husi servisu neebe dosente no dirijente sira dezenpena, nuudar fator  no motivasaun insentivu hodi promove edukasaun ho kualidade. Luciana Ximenes

 

Komentariu

Facebook Comments

Leave a Reply

Your email address will not be published. Required fields are marked *