Xanana-Mari Maka Kontrola OJE

Xanana-Mari Maka Kontrola OJE

- in Economics
901
0
xanana-mari

DILI – Deputadu Jorge da Conceição Teme husi bankada Frente Mudansa hateten, implementador sira laiha kapasidade, tanba Primeiru Ministru (PM) Rui Maria de Araujo rasik lakaer osan, osan nee Eis PM Xanana Gusmao ho Eis PM Mari Alkatiri sira maka kontrola barak liu iha OJE.

Nia dehan, se sira maka kontrola osan barak liu, laiha retornu ekonomia no kresimentu ekonomia sira nain rua maka sala.

Ita nia impelentadores sira laiha kapasidade, tanba PM Rui Maria de Araujo rasik lakaer osan, osan nee kaer barak liu husi eis PM Xanana Gusmao ho eis PM Mari Alkatiri neebe sira maka kontrola osan barak liu iha OJE,” dehan deputadu Jorge ba STL, iha PN, Dili, Kuarta (21/09/2016).

Nia dehan uluk husi Frente Mudansa ho PD hakarak tau osan barak liu iha Ministeriu Agrikultura, Saude no edukasaun, maibe fundador Xanana Gusmao ho Mari Alkatiri sira prefere kria mega projetu. Responde konaba Prezidente Republika Taur Matan Ruak nia intervensaun iha PN, Governu gasta osan arbiru, deputadu Jorge hatete, kritiku Prezidente Republika nee realistiku, tanba nia hare liu konaba lalaok neebe latuir planu, no vizaun, tuir orsamentu neebe preve ona, tanba nee maka Prezidente hasai lia fuan sira nee.

Iha fatin hanesan membru PN husi bankada Fretilin Paulo Moniz Maia hateten, orsamentu neebe governu gasta laos Prezidente Republika deit maka preokupa, ema hotu preokupa, tanba fundu petroliu nee hasai husi neeba osan barak, depois rezultadu ladun maximu iha terenu. Informasaun kompletu iha STL Jornal no STL Web, edisaun Kinta (22/9/2016). Carme Ximenes

Komentariu

Facebook Comments

Leave a Reply

Your email address will not be published. Required fields are marked *