Xanana Fanu Matebian Hakotu Impase

Xanana Fanu Matebian Hakotu Impase

- in Nasional, Notisias Online, Politics
212
0
FOTO: STL/ DONACIANO MAGALHÃESFOTO: STL/ DONACIANO MAGALHÃES

Editora:Carme Ximenes

DILI – Prezidente koligasaun hanesan mos Prezidente Partidu CNRT Xanana Gusmão, hamulak hodi fanu matebian heroi sira, atu hatudu dalan loos hakotu impase politika iha Timor-Leste.

Molok halao konferensia imprensa, iha minutu hakmatek, Prezidente Koligasaun hanesan mos Prezidente Partidu CNRT Xanana Gusmão, harohan ba matebian no heroi sira neebe mate lalori buat ida ba sira nia aan rasik, maibe ho sira nia mate bele hetan liberdade ba ukun aan.

Xanana hatete,ohin hamutuk iha serimonia espesial ida nee,atu  fanu sira neebe mak ukun  rain nee,  husik tiha haree ba nia aan rasik hodi haree ba povu no nasaun.

Matebian sira imi iha neebe, hau bolu imi, hatudu tok mai, uluk ita manan Indonezia ohin nee atu manan kona ba lia loos. Lia loos nee husu ba matebian no heroi sira neebe fakar raan ba rai no povu ida nee, ami hakruuk ho respeitu tomak, atu haree ami mak nee, neebe matebian no heroi sira haree mai atu ami bele sai husi impase, hatete Xanana bainhira hatoo minutu de selensiu iha konferensia imprensa, hodi afirma sira nia pozisaun solidu ba koligasaun foun solidu, iha Sede CNRT Bairus Grillus, Tersa (24/03/2020).

Hafoin Konfrensia Imprensa, Xanana haktuir tan katak, sira ezize ba PR atu fo ona demisaun ba PM, governu demisionariu haruka fali proposta altera lei iha PN nee laiha kompetensia tanba sira laos minoria maibe maioria.

Maibe haree ba plataforma intendimentu ida mosu tan nee esplika habosok povu hodi tau foer iha povu nia matan hodi dehan sira iha 31, maibe sira koligasaun maioria sei laiha ida faan aan ba minoria.

Ohin ami hamutuk laiha ida atu simu osan ba votus, i iha lei partidu politiku no lei eleitoral, ami hatene lei, tanba nee ami dehan ona katak ami nia deputadu ida halo ita atu deskomfia malu, neebe iha mos regras katak se mak kontra partidu politiku nia desizaun partidu nian sei hasai, neebe se mak hakarak faan aan ho kartaun mean ida, afirma Xanana.

Nia eplika, kligasaun hein PR nia desizaun, tanba PR mak hakerek lei iha konstituisaun, neebe koligasaun nee haruka ba PR semana 2 ona, maibe too agora seidauk dehan  buat ida.

Nia haktuir tan katak, artigu 86 kompetensia kona ba orgaun seluk nian, PR iha kompetensia kona ba orgaun sira seluk, hanesan iha alina f, dissolve PN iha siuasaun krize institusional grave, neebe lahusik forma governu ka laaprova OJE iha periodu naruk liu loron 60, tenke dissolve PN.

Haree ba OJE laliu iha Janeiru Marsu, tanba nee mak koligasaun foun ba hatoo ona ba PR katak prontu forma governu,  sira halo komferensia hodi nunee prense rekezitus, maibe semana 2 ona seidauk iha desizaun husi PR.

Nia dehan tan, bainhira PM husu demisaun PR tenke konsidera karik nesesariu tebes atu asegura normal funsionamenu estadu. Neebe atu rezolve impase nee iha PR nia liman kuandu OJE lapasa liu loron 60 PR tenke foti desizaun ruma, maibe hodi hein fali konferensia Fretilin nian.

Entretantu liu husi konferensia imprensa koligasaun maioria Parlamentar Portavos Antonio da Conceicão hatete, Koligasaun Maioria Parlamentar kompostu husi Partidu Congresso Nacional para a Reconstrução de Timor (CNRT), Partidu Khmanek Haburas Timor Oan (KHUNTO), Partidu Democratico (PD), Partidu Unidade Desenvolvimento Democratico (PUDD), Partidu Frente Mudança (FM), Partidu União Democratica (UDT) liu husi Konferênsia da imprensa hatoo ba Povu Timor-Leste katak.

Ida koligasaun Aliansa Maioria Parlamentar (AMP) ho konjuntura foun neebe lideradu husi Prezidente Partidu CNRT Maun Boot Kay Rala Xanana Gusmão, neebe Ofisialmente hamrik iha loron 22 fulan Fevereiru tinan 2020 kompostu husi nudar resposta partidu politiku nen (6), nian ho objetivu atu hatan ba rezultadu enkontru Lider Nasionais sira hamutuk ho PR halao iha loron 10 fulan Fevereiru.

Nia afirma, koligasaun AMP foun hamrik hodi oferese alternativa ba PR no aprezenta disponibilidade hodi forma IX Governu iha loron 6 fulan Marsu tinan 2020. Iha sorumutu PR iha troka hanoin pozitivu entre PR ho prezidente koligasaun hodi lori PR husu atu koligasaun kompleta  rekezitus tuir artigu 9, Lei dos partidu politiku neebe regula atu membru Partidu Koligasaun sira halao sira nia konferensia ka kongresu hodi ofisializa Partidu sira nia adezaun, iha koligasaun.

Tanba nee 10 fulan Marsu koligasaun foun hatama hikas fali karta koligasaun nian ba PR hodi mos indijita Kay Rala Xanana Gusmao nudar Primeiru Ministru. Ohin kompleta ona semana rua maibe PR seidauk pronunsia buat ida tuir artigu 106 konstituisaun RDTL nian, no koligasaun mos seidauk simu  informasaun husi gabinete PR.

Ho kronolojia neebe ami hatoo, mak ohin koligasaun hakarak realiza Konferensia da imprensa hodi reafirma, koligasaun solidu hela no Prezidente partidu ida-idak nafatin sei komprometidu iha koligasaun laran. Deputadu bankada ida-idak agora kordena malu ho harmonia iha debate hotu neebe lao iha PN, hatete Antonio.

Nia deklara, koligasaun nafatin hein PR nia desizaun no iha fiar katak PR sei halao turi artigu 74 konstituisaun da republika katak PR maka xefi estadu no garante nasaun nia independensia. Estadu nia unidade no instituisaun demokratika sira nia funsionamentu regular.

Ho ida nee PR sei tau as situasaun impase politika nudar preoridade hodi bele hola ona desizaun justu ho baze ba konstituisaun hodi hakotu ona impase politika no rezolve problema neebe nasaun hasoru hela Virus Corona,  Inundasaun afeta tebes populasaun iha Dili no normalizasaun dezenvolvimentu pais nian hodi responde ba nesesidade urjente povu nian.

Koligasaun mos hakarak afirma, aktus  koligasaun nee halo atu respode ba situasaun politika no krize mundial neebe oras nee ita nia nasaun doben Timor-Leste hasoru.  Tanba koligasaun haree no fiar katak atu responde ba situasaun nee presiza tebes lideransa forte ida hodi nunee bele lori pais ida nee sai husi situasaun susar, afirma Portavos Kalohan.

Nia deklara, koligasaun haree ba deklarasaun Sekretraiu Jeral Partidu Fretilin katak plataforma de entendimentu neebe halo entre Fretilin ho PLP hetan apoiu husi deputadu balu iha PN, tentativa ida hodi forma Governu Minoria. Tanba nee maka koligasaun Partidu neen (6) nian hakarak afirma ho klaru katak Koligasaun liu husi Bankada Parlamentar iha PN sei la fo fatin ba kualker tentativa atu forma governu minoria.

Ida nee klaramente viola prinsipiu konstitusionais pais nee nian (Artigu 106 Konstituisaun RDTL) no sei lori rai doben Timor-Leste ba situasaun inserteza politika naruk ho konsekuensia negativas (hatodan tan deit sofrementu) ba povu doben, nunee mos bele loke dalan  ba EA, Antonio hatete.

Tuir nia koligasaun kondena deklarasaun Secretariu Jeral partidu Fretilin neebe dehan sei konvense deputadu husi koligasaun AMP nian atu fo apoiu ba iha tentativa  Partidu Fretilin-PLP hodi forma governu minoria nee hanesan tentativu atu hafahe koligasaun no mos hamate deputadu koligasaun nia kareira politika iha nia partidu rasik, basa koligasaun sei hamutuk foti asaun ba deputadu neebe viola prinsipiu koligasaun tuir lei eleitoral ba PN artigu 16 perda do mandatu.

Lei nee dehan o deputado ao Parlamento Nacional, eleito em lista apresentada por partidu ou Coligaçao partidaria perde o respetivo mandate nos seguintes casos: Viola a disciplina da bancada Parlamentar em que se encontra integrado nos termos dos estatutos do partidu politico a que pretence, katak Antonio

Antonio husu ba PR, konsidera prosesu hotu-hotu neebe PR rasik halao inklui aseita demisaun ba Primeiru Ministru tuir artigu 112 konstituisaun RDTL ho nunee loke ona ba formasaun IX governu konstitusional tuir artigu 106 konstituisaun da republika hodi responde ba situasaun neebe nasaun hasoru Corona no inundasaun.*

Reportajen : Guilhermina Franco

 

Komentariu

Facebook Comments

Leave a Reply

Your email address will not be published. Required fields are marked *