Xanana Agradese VIII Governu

Xanana Agradese VIII Governu

- in Nasional
117
0
IMG_8541

DILI-Xanana Gusmao fo agradese ba VIII governu, lidera husi Primeiru Ministru Taur Matan Ruak, neebe fo konfiansa tomak ba nia hodi sai hanesan Xefi Negosiador Prinsipal ba Fronteira Maritima(FM).

Hau agradese ba VIII neebe fo ona fiar tomak ba hau ho ekipa tomak, hodi lidersa negosiasaun ida nee bele lao diak, no ema barak maka kesiona katak negosiasaun nee segredu maka barak, balun dehan hau faan fali Riku soin Timor nian, tanba nee atu dehan deit katak, hanoin sira hanesan nee la los, no segredu laos atu ba simu fali osan, tan nee ohin hau mai laos atu defende hau nia osan  maibe tanba ita nia osan no povu nia osan,”informa Xefi negosiador principal Fronteira Maritima Xanana Gusmao iha Parlamentu Nasional Tersa (08/01/2019) bain hira halo aprezentasaun ba prosesu FM nian ba Deputadus sira iha PN.

Nia mos afirma liu tan katak, prosesu ba negosiasaun nee laos lori tenpu neebe naruk, maibe tanba akonpana husi matebian rai ida nee nian, buat hotu bele lao diak, maske TL nasaun ida neebe maka foin ukun aan maibe ho grasa Maromak nian buat hotu bele lao diak.

Tuir Xefi Negosiador nee katak, atu hetan retornu neebe maka diak tenke investe uluk osan maka, foin hetan fali osan, tanba nee subtansia ka obzektivu fundu petroliferu nian nee  investimentu husi fundu petroliferu ikus mai sei fo retornu, ida nee maka obzektivu ba lei fundu petroliferu  nee.

Iha fatin hanesan Reprezentante povu iha uma fukun Parlamentu Nasional, Deputadu Antonio da Concecao hateten, PD apresia tebes ho pozisaun neebe maka governu ida nee halo ona, atu nafatin viziona Vizaun ba estadu ida nee, tanba nasaun ida nee foin maka hahu, tan nee husu nafatin ba governu nafatin halo persegisaun ba vizaun de estadu nian, tanba  asuntu ida nee responsablidade governu ida nee nian duni.

Nunee mos Deputadu Adriano do Nacimento dehan, pozisaun pesoal ho PD nian maka, hakarak ka lakohi kadoras tenke mai TL, no ida seluk TL mos tenke peritus no partesipasaun ba nia riku soin rasik. Madalena Horta/ Carme Ximenes

 

Facebook Comments

Leave a Reply

Your email address will not be published. Required fields are marked *