Votus Unaminidade ba Piksy Mau

Votus Unaminidade ba Piksy Mau

- in Metro, Nasional
231
0
image002

Editor: Godinho Barros

DILI — Parlamentu Nasional hatoo votus pezar unaminidade ba saudozu Piksy Mau, Moises Guimarães neebe mate iha semana liu ba.

Liu husi sesaun plenariu Tersa, (11/02/2020) iha PN, molok tama ba votasaun, Prezidente Interinu PN, Luis Roberto fo tempu ba sekretariu Meza PN lee sai profile badak saudozu Piksy Mau nian.

Hafoin Sekretaria Meza PN Maria Terezinha Viegas, lee sai profile badak saudozu Piksy Mau nian sub-mete ba votasaun, liu husi eleisaun direta maioria deputadu fo votus afavor 54 votus deputadu, abstensaun 0, kontra 0.

Liu husi deklarasaun votus, Bankada Fretilin Deputadu Jose Agustinho Xomotco dehan Saudozu Piksy Mau, Moises Guimarães, husik  is ikus nian  iha loron 05 fulan- Fevreiru inan 2020 iha Dili.  Wainhira saudozu husik is ninia oan ikun, Ajencio Guimarãs nia idade foin mak atu kompleta tinan 2 fulan 6.

Saudozu nia oan feto boot Sancha Guimarães falta loron ida atu kompleta idade tinan 15 fulan 2. Saudozu husik hela oan sira ho otas neebe sei nurak tebes tanba ninia dedikasaun no abnegasaun ba rai doben Timor Leste nee mak povu nia direitu ukun rasik aan.

Lori Bankada Fretilin nia naran, hakarak hatoo kondolensia klean no solidaridade forte ba saudozu Piksy Mau nia kaben Joana Soares, ho ninia oan sira. Saudozu Piksy Mau merese ema  hotu nia hakruk no respeita, husi uma fukun Parlamentu Nasional halo rezolusaun hodi fo votus de pezar. Rep: Jeniche da Costa/Guilhermina Franco

Komentariu

Facebook Comments

Leave a Reply

Your email address will not be published. Required fields are marked *