Votus Ida Determina Nasaun Nia Futuru

Votus Ida Determina Nasaun Nia Futuru

- in Nasional
444
0
votos

DILI-Sentru votasaun hahu loke iha tuku 7 no remata iha tuku 3. Tuir regulamentu neeeb STAE (Sekretariadu Tekniku Administrasaun Eleitoral) fo sai tanba nee eleitores sira kumpri.

Dadersan tuku 6:00 eleitores sira komesa hakat besik ba sentru votasaun hodi hili kandidatura prezidente republika 2017 too 2022 hamutuk nain ualu (8).

Iha sentru votasaun munisipiu Dili, Postu Administrativu Dom. Aleixo, sentru votasaun eskola Sekundaria FINANTIL, estasaun votus eskola Sekudaria FINANTIL ho kodigu 00315/0031500001.

Iha sentru votasaun observa direita husi Komisaun Nasional Eleisaun (CNE), fiskais kandidatura, organizasaun nasional no internasional, hetan seguransa mazimu husi Polisia Nasional Timor Leste (PNTL).

Sentru votasaun eskola Sekundaria FINANTIL nee, eleitores balun neebe naran laiha maibe iha kartaun eleitoral, ofisial meza hakerek deit naran ho manual.

Iha biban nee, eleitor Armando Barreto hatete katak, eleisaun nee importante tebes ba sidadaun sira atu hili kandidatura nain 8 nee ho sekretu no livre.

Hau nia votus, loron ohin neebe mak hau fo entre kandidatura nain 8 nee ninia benefisiu nee boot lahalima determina futuru Timor Leste,” dehan Armando ba STL iha sentru votasaun eskola sekundaria FINANTIL, Comoro-Dili, Segunda (20/03/2017).

Armando haktuir, tanba husi ita, hili ita nia lideransa, mak ita bele organiza malu, ita bele hadia dezenvolvimentu tuir nesesidade neebe mak Timor Leste iha.

Iha fatin hanesan, Kandidatura Prezidente Republika Numeru sorteiu 4, Jose Neves Samalarua hatete, partisipasaun povu nian iha eleisaun nee importante tebes. Raimundo S. Fraga

Facebook Comments

Leave a Reply

Your email address will not be published. Required fields are marked *