Vota Kontra Viajen Vatikanu, Horta Husu AMP Muda Desizaun

Vota Kontra Viajen Vatikanu, Horta Husu AMP Muda Desizaun

- in Nasional
57
0
Horta

DILI-Eis Prezidente da Republika Ramos Horta husu ba Parlamentu Nasional liu liu bankada AMP, atu muda sira ninia desizaun konaba vota kontra viajen Prezidente da Republika nian ba Estadu Vatikanu.

Eis Prezidente da Republika Ramos Horta hatete, Bainhira Parlamentu Nasional liu husi bankada AMP vota kontra viajen Prezidente da Republika nian ba Vatikanu nee fo Impaktu Negativu, tanba ba Vatikanu atu halo enkontru ho Amu Papa Francisco.

Hau halo apelu ba Parlamentu Nasional bankada sira, sira rasik halo enkontru foun para muda lalais sira nia posizaun nee, tanba Prezidente da Republika atu ba Vatikanu atu halo enkontru ho Amu Papa, maibe ida nee hau hanesan buka atu rona deit ida idak nia hanoin para hetan solusaun,” dehan Eis PR Ramos Horta, ba jornalista sira hafoin remata enkontru ho PR Francisco Guterres Lu Olo, iha Palasiu Prezidente Nicolau Lobato, Kinta (07/11/2018).

Parlamentu Nasional tuir eis aman nasaun RDTL nee katak, kestiona dala barak tanba Prezidente da Republika lafo pose ba membru sira nee neebe propoin husi Primeiru Ministru, portantu Prezidente Republika labele ba liur enkuantu problema ida nee larejolva, maibe rejolve ona Prezidente da Republika bele ba liur.

Iha biban nee mos eis PR Ramos Horta hatete, Enkontru ho Prezidente da Republika so para rona PR nia hanoin konaba situasaun, buat ida ema hotu hatene konaba impase ho PN no Governu, hanesan eis Prezidente da Republika hakarak rona problema sira nee. Notisia kompletu lee iha jornal STL edisaun Sesta (09/11/2018). Carme Ximenes

Facebook Comments

Leave a Reply

Your email address will not be published. Required fields are marked *