Vota Iha Farol, Alkatiri Fiar Fretilin Manan 100%

Vota Iha Farol, Alkatiri Fiar Fretilin Manan 100%

- in Nasional
356
0
POLITIKA E LEI

DILI– Sekertariu Jeral Partidu Fretilin, Mari Alkatiri fiar metin Partidu Fretilin manan 100% iha eleisaun antisipada ida nee.

Kestaun nee Sekertariu Jeral partidu Fretilin Mari Alkatiri hatoo, bainhira Sekertariu Jeral Partidu Fretilin, Mari Alkatiri ho ninia espoza Marina Ribeiro Alkatiri remata ezerse sira direitu vota iha sentru votasaun Eskola Farol, Sabadu, (12/08/2018).

Hau fiar 100% Fretilin manan, iha eleisaun antisipada, tanba Fretilin maka povu, povu maka Fretilin,” dehan Mari Alkatiri.

Lideransa 1974-1975 nee mos husu ba povu hotu atu sai ba ezerse sira nia direitu, tanba eleisaun ida nee importante tebes atu sai husi krizi intitusional.

Portantu responde ba pergunta jornalista sira nia konaba Sekjer Fretilin Mari Alkatiri simu rejultadu eleisaun nee ka lae, bainhira Fretilin lamanan, aman fundador nasaun RDTL nee hateten, tinan sanulu Alkatiri hatudu ona, tinan sanulu ema naok votus nia simu, tanba nee agora Alkatiri hatete Fretilin manan.

Iha fatin hanesan Agio Pereira, hanesan komunidade suku Motael hateten, haksolok tebes, tanba tinan 1999 to agora Timor Leste moris iha demokrasia nia laran, nudar nasaun ida fo exemplu boot ba mundu katak Timor Leste iha susar barak, maibe TL ninia dignidade povu nee kaer aas tebes. Notisia kompletu lee iha jornal STL edisaun Domingo, (13/05/2018). Carme Ximenes/ Madalena Horta

Facebook Comments

Leave a Reply

Your email address will not be published. Required fields are marked *