Vota Iha EBC Farol, Lu-Olo Fiar Laiha Segundu Ronde

Vota Iha EBC Farol, Lu-Olo Fiar Laiha Segundu Ronde

- in Nasional
527
0
lu-olo voting day

DILI – Kandidatura Prezidente Republika Francisco Guterres Lu-Olo, ho Sekertariu Jeral Partidu FRETILIN Mari Alkatiri vota iha sentru votasaun EBC Farol.

Iha Sentru Votasaun nee Kanprez Lu-Olo fiar aan katak, laiha tan eleisaun segundu ronde, maibe depois rezultadu eleisaun maka foin bele hateten lolos.

Portantu Kandidatura Prezidente Republika periodu 2017-2022 Francisco Guterres Lu-Olo ho nia espoza Cidalia Guterres, inklui Sekertariu Jeral Partidu FRETILIN Mari Alkatiri ho ninia epsoza rasik to iha sentru votasaun iha tuku 8:00 hodi ejerse sira nia direitu de votu.

Entretantu eleisaun Prezidensial iha sentru votasaun EBC Farol lao hakmtek no laiha problema ida maka mosu, tanba hetan seguransa maximu husi PNTL no FDTL sira. Hafoin votasaun hotu Kanprez Francisco Guterres Lu-Olo ba jornlista sira katak, ohin Povu Timor Leste halibur malu, fila fali tan dala ida hodi bele hili sira nia Prezidente Republika.

Ita povu ida idak sei ezerse ninia direitu siviku ou direitu politiku liu husi votu ida nee, bele hili sira nia Prezidente ida neebe maka diak liu ba Timor Leste,” dehan Kanprez Lu-Olo ba jornalista sira, hafoin remata vota iha sentru votasaun EBC Farol, Dili, Segunda (20/03/2017).

Iha biban nee mos Kanprez Lu-Olo optimis katak, sei laiha tan eleisaun segundu ronde, maibe depois rezultadu eleisaun mak foin bele hateten lolos. Kanprez Lu-Olo hateten, iha tempu kampana sempre hateten ba militante no apoiantes sira katak, desda ves laiha tan duviadas para Lu-Olo atu hakat ba iha aitarak laran.

Nunee mos bainhira eleitu sai Prezidente Republika Kanprez Lu-Olo hateten, sei halo mudansa lalais liu ba vida povu ida nee ninian iha asepetu hotu hotu, hanesan saude, Edukasun, agrikultor no ekonomia sustentavel ba povu tomak.

Iha fatin hanesan Sekjer partidu FRETILIN Mari Alkatiri hateten nia fiar katak laiha segunda ronde, primeira ronda Lu-Olo sei manan mutlak, klaru nia mos respeita kanprez seluk, mais iha eleisaun nee Lu-Olo laiha adversairu. Carme Ximenes/ Joseph Koa

 

Facebook Comments

Leave a Reply

Your email address will not be published. Required fields are marked *