Volibol Mane Fc Café Manan Fc Pertamina

Volibol Mane Fc Café Manan Fc Pertamina

- in Desportu
9634
0
volley man

DILI – Jogu Volibol entre Fc Cafe vs FC Pertamina neebe dilera husi arbitu primeiru ho segundu, Jose Pereira ho Jaime Belo. Fc Café manan Fc Pertamina ho 3 set tutuir malu, neebe set primeiru manan ho Numeru 25-19, segundu, 25-19. Terseiru 25–19.

Tuir Treinador Fc Café, Francisco Marquez apresia tebes ba nia ekipa neebe manan Fc Pertamina ho 3 set tutuir malu.

Jogu ida nee hau sente hanesan treinamentu ida neebe orgulho, tim ida nee hatudu duni, no realiza duni saida maka ami nia mehi, neebe maka ohin ami manan. Depois hau treinador hau sedauk hetan jogu ida ke diak neebe hodi hosoru hau nia tim, neebe ba futuru hakarak halo diak liu tan, hodi anima penonton sira bele mai asisti diak liu tan, jogu ida neebe tuir mai nee,” Francisco haktuir ba jornalista STL iha Salaun GMT Dili. Sabadu (13/5/17).

 Nia dehan, sira sei prepara diak liu tan jogu neebe sei tuir mai, tim-tim neebe iha SLB, no sira sei kria no preparadu treinamentu ida ke diak, atu hodi hasoru tim SLB neebe mai.

Iha biban nee, Kapitaun Fc Café, Adriano Da R. Coreia hatete nia kontente tebes tanba sira konsege realiza duni, neebe sira manan ekipa Fc Pertamina, neebe durante nee sira preparadu tebes husi sira nia ekipa.

Ho ami nia treinamentu ida ke diak, no ami hatudu duni ami nia teknika, durante nee ami simu husi ami nia treinador. Ami sei hadia ami nia frakeza neebe ami iha, I ami sei hadia no preparadu diak liu tan ami nia treinamentu, hodi hasoru jogu neebe sei tuir mai,” katak nia.

Tuir Treinador Fc Pertamina Domingos Dedeus katak sira rekonese lakon iha kompetisaun nee.

“Ami esforsu makaas, maibe ami nia esforsu too nee deit. Ladiak mos ami hatudu nafatin ami nia jogu. Maibe ami sei preparadu no hadia tekniku, jogu neebe sei tuir mai nee. Sekarik aban bainrua ami tun ba devisi 2, ami sei buka fali maneira oinsa atu mai fali devisi 1,” tenik nia.  *EST3   

Facebook Comments

Leave a Reply

Your email address will not be published. Required fields are marked *