Vizita Museum NTT, Ruin Ikan Paus Okupa Uma Ida

Vizita Museum NTT, Ruin Ikan Paus Okupa Uma Ida

- in International
3442
0
Familiriazition Trip

KUPANG –Jornalista Timor-Leste halao vizita ba Museum Kupang Nusa Tenggara Timur (NTT), hodi haree diretamente sasan istoriku no Kultura Tempu pasadu, Inklui ruin ikan paus 1 boot okupa uma ida.

Iha vizita nee Reprezentante Embaisada Indonesia ba Timor-Leste hamutuk ho jornalista nain 2 husi Suara Timor Lorosae (STL), Guilhermina Franco ho Jornalista Bissnis Timor, Kuarta (18/10/2017) haree diretamente sasan istoriku neebe kolonial sira husik hela iha tempu pasadu, no sasan istoriku, iha meseum nee iha ruin ikan paus ida neebe hetan iha pasadu husi komunidade Betendampa.

Ikan nee nia todan 80 ton, luan 4 meter, naruk 25 meter, ikan nee hetan iha tinan 1972 iha  tasi ibun Suku Betendampa.

Liu husi esplikasaun, Mesi Rianti Betty hanesan  Estajiadu iha Museum esplika katak, ikan nee hetan iha tinan 1972, iha tasi ibun. Tuir istoria neebe iha katak, komunidade sira hetan ikan nee mate tiha ona, tanba nee sira lori ikan ruin mai tau iha Museum noo iha Suku Betendampa nee, iha ikan paus barak, komunidade sira iha Suku nee uza mos ikan ruin nee hodi halo lutu haleu uma, maibe ida neebe mak boot liu, sira lori nia ruin tomak mai tau iha museum Kupang NTT.

Aleinde nee ikan Paus, iha mos sasan istoriku sira barak neebe husik hela husi Japaun, Xina, Olanda, no seluk tan iha tempu funu nia laran, sasan sira neebe mak iha hanesan, surik, Tudik, fatuk,  lukisan patung, Lukisan kilat,  bikan no roupa kultura iha tempu kolonial, ruin manusia purba, gelan, no sasan sira seluk.

Aleinde sasan istoriku sira nee, iha mos makina fotografia neebe uza iha tempu funu mundial (perang dunia), fotografia kultura uluk nian no too agora iha suku balu sei nafatin halao, inklui sasan kultura sira neebe husi suku-suku sira neebe kompostu iha Meseum NTT.

Iha vizita nee, jornalista sira haree diretamente sasan istoriku no sasan uluk Kolonial neebe sira husik hela inklui sasan kultra husi suku-suku NTT nian, inklui ikan paus neebe okupa fatin uma ida, tanba ikan nee boot no naruk tebes. Guilhermina Franco

Facebook Comments

Leave a Reply

Your email address will not be published. Required fields are marked *