Vila Verde Rekolha Hikas Formulariu F-FDTL

Vila Verde Rekolha Hikas Formulariu F-FDTL

- in Nasional
88
0
image002

Editor: Germano Sousa

DILI-Autoridade Lokal Suku Villa Verde, Postu Administrativa Vera-Cruz, Munisipiu Dili   hahu rekolha hikas formulariu rekrutamentu  F-FDTL husi joventude  134, neebe konsege prense ona.

Xefe Suku Vila-Verde, Abdul M. Arranhado ba STL iha nia knar fatin Sede Suku Villa Verde, Segunda (6/1/2020).

Tuir Abdula katak, formulariu rekrutamentu F-FDTL neebe fahe husi Ministeriu Defesa I Seguransa liu husi Quartel Jeral F-FDTL foin lalais. Antes nee tuir informasaun neebe iha katak, kada suku hetan formulariu rekrutamentu 25. Maibe, too ikus mai formulariu neebe autoridade suku rekola fala husi joventude ho total 134.

Antes atu fahe formulariu tuir informasaun neebe ami hetan katak sei fahe formulariu ba joventude 25 deit, maibe realidade ami rekolha liu fali ida nee tanba jovenbarak simu formulariu direitamente husi Ministeriu Defeza (MD) i Seguransa iha Quartel Jeral F-FDTL Fatuhada, katak Abdula.

Iha fatin hanesan joventude, Nelio elvis Pires Galhos dehan, informasaun neebe sira simu katak MD sei fahe formulariu ba joventude rua nulu resin lima, maibe realidade joventude Vila Verde kuaze hetan hotu oportunidade ba formulariu neebe fahe.

Ami iha Suku Vila Verde iha joventude barak tebes, nunee tuir sistema neebe iha katak, formulariu rekrutamente F-FDTL sei fahe ba joventude 25 deit. Maibe joventude barak mak simu direitamente formulariu husi Quartel Jeral F-FDTL.Tanba nee ohin loron autoridade lokal rekola fali formulariu husi joventude sira, liu tiha husi 25, katak Nelio.

Nelio nuudar mos kandidatu ba rerekrutamentu nee, dehan, nia fiar-aan inklina iha rekrutamentu ba forsa F-FDTL ba tinan 2020.

Nunee mos, Joao Fernandes nuudar joventude dehan, nia sente kontente bainhira iha joventude barak hetan oportunidade hodi prienxe formulariu rekrutamentu forsa defesa ba tinan 2020.

Pesoalmente hanesan joventude hau sente orgullu tebes ho oportunidade nee. Tanba ami hotu bele prienxe formulariu nee. Agora kestaun liu ka laliu nee haree ba fiziku no kapasidade ami ida-idak nia, tenik nia.

Joventude nee optimista nia mos sei liu iha oportunidade nee. Tanba nia mos hakarak atu kontribui ba nia nasaun liu husi responsabilidade neebe nia iha. ESTI-06

Komentariu

Facebook Comments

Leave a Reply

Your email address will not be published. Required fields are marked *