VII Guvernu Tenke Implementa Promesa

VII Guvernu Tenke Implementa Promesa

- in Distritu
2236
0
Povu Oecuse

AMBENU – Komunidade Rejiaun Administrativa Espesial Oecusse Ambenu (RAEOA) husu ba VII guvernu foun, atu kontinua servisu neebe maka durante lao falha iha rejiaun Oecusse tanba tuir observasaun iha VI guvernu, kompania abandona obra barak neebe mai husi Governu sentral.

Tuir xefe suku Usitasae Tomas Ulan sujere ba governu foun ba dala VII, atu kontinua servisu neebe maka lao failla hela atu avansa deit servisu neebe maka durante nee lao ona iha oecusse hanesan falla projetu monument lifau, kuaze tinan 1 resin ona, obra nee husik hela.

“Ami sujere deit ba guvernu foun ba dala VII atu kontinua servisu neebe durante lao failla hela atu avansa deit servisu neebe husik hela, hanesan monumentu lifau kuaze tinan 1 resin ona, obra nee husik hela, semak responsabiliza, nee guvernu sentral maka halo, laos ZEESM nian, tanba nee gasta mos orsamentu do estadu, ita labele abandona deit hanesan nee, ami husu deit ba guvernu foun mai, atu kontinua obra nee too remata,”hateten Ulan iha Merkadu Pune Suku Usitasae, Postu Administrativu Oesilo Rejiaun Oecusse, Tersa (25/7/2017).

Iha fatin seluk komunidade Agustinho Elu hateten, nudar komunidade ida espera deit katak bainhira forma guvernu foun, persiza lider neebe iha responsabilidade intelektualidade no kapasidade atu nunee bele halo jestaun ba guvernu foun.

Nia dehan, foi dadauk dia 22 de Jullu liu ba, ita hotu tuir ona festa demokrasia nee, iha rezultadu hatudu mos katak laiha partidu ida atu manan maioria absoluta, maibe iha maioria simples maka atu lidera VII guvernu nee.

“Ami hanesan komunidade ida espera deit katak bainhira forma guvernu foun persiza lider neebe iha responsabilidade intelektualidade no kapasidade atu nunee halo jestaun ba Governu  foun nee, liu-liu ba orgaun ezekutivu atu ezekuta programa bele sai realidade tuir promesa neebe halo ona iha kampani nia laran, nee hanesan promesa ida neebe ita boot sira tusan hela ami nia ba ami povu, tenke selu liu husi impleamentasaun atual ba povu nia moris iha nasaun ida nee,” tenik nia. Abilio Elu Nini

Facebook Comments

Leave a Reply

Your email address will not be published. Required fields are marked *