VII GK Hasai Foto Hamutuk, Alkatiri: Laos Despedida

VII GK Hasai Foto Hamutuk, Alkatiri: Laos Despedida

- in Nasional
289
0
1604382_1033057823486533_1559829927161377424_n

DILI– Ohin Kinta feira (24/05/2018), membru VII Governu Konstitusional hasai foto ba dala ikus hamutuk ho Primeiru Ministru Mari Alkatiri, iha Palasiu Governu, Dili.

Hafoin remata hasai foto hamutuk ho membru Governu VII Governu Konstitusional, Primeiru Ministru Mari Alkatiri ba jornalista sira katak, nee hasai fotografia VII Governu Konstitusional nian, despedida seidauk. Despedida kuandu governu ida seluk toma pose ona maka despedida, signifika governu ida nee bele sai tiha ona husi governu mos, sei nafatin buka dalan atu servisu hamutuk.

Hau labele dehan hau ninia esperansa ba fali ba ema seluk, tanba hau seidauk haree lista governu nee oinsa maka hau iha esperansa ,” dehan Primeiru Ministru Mari Alkatiri, ba jornalista sira, iha palasiu Governu, Kinta, ( 24/05/2018).

Portantu responde konaba Tribunal Rekursu rezita ona rekursu neebe maka partidu Fretilin submete ba Tribunal, Primeiru Ministru Mari Alkatiri hateten, kestaun ida nee koalia iha CCF, laos kolia iha palasiu Governu, tanba iha Palasiu Governu nee atu halao servisu nasaun nian.

Iha fatin hanesan Ministru Estadu I Rekursu Minerais, Mariano Assanami Sabino hateten, ida nee laos despedida, maibe hasai foto hamutuk deit, sei too Ministru foun para atu intrega. Notisia kompletu lee iha jornal STL edisaun Sesta, (25052018). Carme Ximenes/Maria Lay

Facebook Comments

Leave a Reply

Your email address will not be published. Required fields are marked *