VD Regista Aas Iha TDD

VD Regista Aas Iha TDD

- in Krime
976
0
Tribunal

DILI- Violensia domestika hanesan hahalok ida neebe la diak, ema komesa brani atu hatoo keiza, no agora dadaun kazu nee regista makas iha Tribunal Distrital Dili.

Deklarasaun nee hatoo husi Prezidente Majislatura Judicial Antonino Gonsalves ba STL iha nia knar fatin Tribunal Distrital Dili, Tersa, (05/12/2017).

Kazu violensia domestika regista barak tebes iha Tribunal Distrital Dili, loron loron krime violensia domestika krime singular sira nee, se simu prosesu haat iha liman, tolu violensia domestika, no komesa aumenta ona mausratus,”dehan Antonino.

Nia afirma tan, tribunal lor loron julga kazu violensia domestika, barak liu maka krime ofensa integridade fisika simples, no kazu sira nee mosu, mai husi mos ema hirak neebe treina arte marsiais se atu baku ema la iha, sira mos fila ba ferik ona hodi baku.

Violensia domestika uluk la dun barak, tanba iha kazamentu envolve inan aman no familia sira, no violensia mosu ema bele rejolve iha uma laran. Maibe ohin loron ema la presija inan aman sira tur atu koalia, sira lao hetan malu hola malu uniaun de faktu, depois akontese violensia, tanba problema de ekonomia.

Juiz nee salienta tan, violensia mosu, tanba dala barak feto husu osan ba laen la fo, no laen lori osan ba fakar iha fatin seluk, komesa diskusaun mosu no problema. No mosu problema nee mos, tanba deskonfia bele liu husi telefone, hodi kria fali violensia.

Gonsalves relata, Violensia domestika iha Dili aumenta, iha foho diminui ona ho tribunal movel, ema komesa ona hare katak nee hanesan krime publiku, ema komesa tauk, maibe sei akontese bebeik hanesan kestaun balu kiik ema nafatuin baku malu, maibe sei halo prevensaun.

No iha lei violensia domestika tenke fo fatin ba konsiliasaun hanesan sira neebe primera vez mai iha tribunal, tanba akontese primera vez, maibe se segunda vez tama ona maustratus. No violensia nee akontese, tanba provokasaun husi fen sira, laos mane deit tanba kazu balu fen maka provoka ho lia fuan mal.

Hatan konaba krime violensai domestika desizaun ikus ho deit suspensau Antonino hatan, hetan suspensaun tanba foin primera vez ba iha tribunal, no arepende konfesa no diak malu ona, tribunal tetu atu aplika ba sira.

Tribunal tetu ba suspensaun, tanba interese superior ba labarik sira nian, tanba se hatama tiha nia aman ba kadeia se mak servisu hodi fo han sira, se inan servisu tribunal bele tetu fali.

Se komete ba segunda vez, la iha dala seluk, maibe tenke ba tau iha kadeia, se primera vez mas tetu ba la diak, bele ba iha prizaun preventiva, tanba nia baku bebeik, no suspensaun depende ba kazu.

Iha fatin seluk, Akademika UNTL Mateus Soares hateten, ema neebe komete kazu violensia tenke aplika desizaun neebe justu, atu sira bele prevene hahalok nee.

Hau hanoin ita iha lei rasik, se maka halo violensia tribunal tenke aplika desizaun neebe justu, atu sira mos tauk bele halo prevensaun ba sira nia hahalok nee,” dehan Mateus.

Nia relata tan katak, agora ema komesa ba keiza bebeik, tanba mudansa teknolojia fo impaktu ba ema nia familia, halo fen no laen bainhira iha problema, la iha solusaun atu rejolve, maibe lori liman maka hanorin malu. Tanba nee tribunal tenke aplika pena, neebe justu atu hanorin ema hirak neebe halo hahalok nee. Terezinha De Deus

Facebook Comments

Leave a Reply

Your email address will not be published. Required fields are marked *