VD Numeru Aas

VD Numeru Aas

- in Krime
125
0

DILI- Violensia Domestika (VD) hanesan hahalok ida neebe la diak, ema barak maka hatoo ona keisa bainhira hasoru problema nee, tanba sira hatene lei iha atu proteje sira.

Numeru rejistu ba violensia domestika komesa aas, tanba lei maka fo dalan. Uluk ema hanoin bikan no kanuru mak kona malu, no familia balu sei taka ida nee, mas ema balu ba hatoo keisa, sira hatene iha lei atu bele fo ba ema neebe halo hahalok ida nee tuir nia hakarak,” hateten Prezidente Rede Feto Timor Leste, Judite Dias Ximens ba STL liu husi via telefone Kuarta, (13/09/2017).

Ximenes sublina, agora dadaun ema brani atu hato keisa, tanba sira sente katak, iha ona lei ida atu proteje sira. Tanba nee numeru neebe rejista komesa aumenta. Nee hatudu katak vitima neebe hasoru problema brani ona atu hatoo keisa.

Maibe sei iha vitima balu mak seidauk brani atu ba rejista, bainhira hasoru problema sira nee, tanba moe no tauk nia laen no familia husi laen nian.

Prezidente nee husu ba feto maluk neebe hasoru violensia labele tauk atu ba hato keisa, tanba lei fo dalan no proteje . No agora dadaun iha kazu barak hanesan feto balu laen abandona hela, tenke ba rejista atu bele hetan sira nia direitu hanesan ema ida, no feto neebe hetan kazu agresaun fijika labele moe tenke ba hatoo keisa no koalia atu estadu bele fo kondisaun no tulun ba sira, no sira neebe hasoru mos violasaun seksual labele moe atu ba hatoo keisa.

Nia relata, rede feto mos iha ona nia membru sira, atu bele fo atendementu ba vitima neebe hasoru problema hanesan organizasaun Focupers no Alfela. Sira mos iha uma mahon atu bele asegura vitima neebe la sente seguru hela ho familia sira.

Iha fatin seluk Feto Potensial, Amelia Eustakia Pires hateten, feto maluk neebe hasoru violensia domestika labele moe atu hatoo keisa, iha ona organizasaun neebe ejiste hodi bele tau matan ba sira.

Hasoru problema moe atu hatoo keisa nee lalos, se moe bainhira konta ba vizinu sira mas iha organizasaun sira labele moe, atu hateten sai hahalok neebe la diak, ”esplika Amelia.

Amelia sublina tan, agora dadaun ema hotu hakarak moris iha pas, laiha problema no violensia nia laran. Tanba nee sira nee harii ona familia, iha koordenasaun husi fen no laen atu bele hamosu violensia iha uma laran. Terezinha De Deus

Facebook Comments

Leave a Reply

Your email address will not be published. Required fields are marked *