Vatikanu Nia Kontribuisaun Boot Ba Luta Libertasaun

Vatikanu Nia Kontribuisaun Boot Ba Luta Libertasaun

- in Nasional
50
0
1604382_1033057823486533_1559829927161377424_n

DILI-Vatikanu (Roma) Nia kontribuisaun boot tebes ba luta libertasaun, tanba nee bainhira Parlamentu Nasional (PN) kansela viajen Prezidente Republika, sei izola Timor Leste husi uma kreda.

Vise Diretor HAK Sisto do Santos hatete, Timor Leste maioria relijaun katolika, mais nufin Prezidente da Republika laba halo vizita ba Vatikanu nee saida mak akontese, tanba laos izola  deit Timor Leste husi pais sira seluk, maibe isola mos husi uma kreda iha Vatikanu.

Portantu Vatikanu nia kotribuisaun boot ba Timor Leste nia luta ba libertasaun, mais iha ukun an  Timor Leste haluha tiha relasaun amizade ida nee, entaun ida nee fo risku boot ba  situasaun politika iha future.

Bainhira ita nia Prezidente da Republika laba halo vizita ba Vatikanu, ita laos izola ita nia an deit husi pais sira seluk, maibe ita mos konsege isola ita nia an husi uma kreda Vatikanu, tanba Vatikanu nia kotribuisaun boot ba ita nia luta ba libertasaun, mais iha ukun an ita haluha tiha relasaun amizade ida nee, entaun ida nee mos fo risku boot ba ita nia situasaun politika iha futuru,” dehan Sisto ba jornalista sira, iha nia servisu fatin , Farol, Dili, Segunda (05/11/2018).

Tanba nee Sisto dehan, Deputadu sira labele hanoin deit ba tinan lima mai, maibe  tenke iha vizaun ida ba tinan lima ou tinan rihun atus lima mai, atu nunee bele lori Timor Leste ba sai fini neebe mak diak.

Iha fatin ketak membru Ajar Inocensio Xavier hatete, Parlamentu Nasional liu liu bankada AMP laiha sentidu Estadu, tanba nee mak sira halo walk aut tiha seim responsabilidade, nee sira viola sira nia rejimentu rasik, liu liu ba vontade povu nian. Informasaun kompletu iha STL Jornal, edisaun Tersa (6/11/2018). Carme Ximenes

Facebook Comments

Leave a Reply

Your email address will not be published. Required fields are marked *