Utilizador Internet Aumenta, Kapasidade Satellite Menus

Utilizador Internet Aumenta, Kapasidade Satellite Menus

- in Politics
141
0
PN-VOTA

DILI-Oras nee dadaun prosesu loading internet kleur, maibe presu sae, tanba kada loron utilizador aumenta kapasidade satellite menus.

Informa Prezidente Komisaun E Trata Asuntu Infraestrutura Abel Pires hatete, kestaun asesu ba internet nee liu husi koneksaun satellite, i satellite nee agora nia kapasidade menus tebes neebe nia presu mos hasae.

Ita nia utilizador loron ba loron sempre aumenta, i ita nia odamatan ba satellite nee nafatin deit entaun nia kapasidade nee limitadu tanba nee mak nia prosesu loading e kleur tebes. Tinan 2 ka 3 mai tan mak hanesan nee hela deit nee prosesu loading nee lentu liu tan, neebe solusaun tenke TL tenke liga fiber optic ba iha opsaun 2 ka 3. I opsaun neebe diak liu nee ho Australia, tanba koneksaun iha Australia nee seguru liu i bele halo mos manutensaun ba lina sira nee,” hatete Abel ba Jornalista Kinta (21/03/2019) iha PN.

Nia dehan, koneksaun ba Australia bele liga mai TL liu husi pasifiku  singapura ida nee dalan diak ba TL, i bainhira TL iha ligasaun ho Australia entaun Indonesia mos  iha razaun para atu liga mai TL, tanba nasaun boot hanesan Indonesia sira nia odamatan ba internet nee 2 iha husi Manado no iha liu husi singapura. Se TL iha ligasaun ho Australia entaun sira mos liga mai TL para sira   nia odamatan bele sai 3.

Entretantu observasaun jornalista haree katak, oras nee dadaun sidadaun Timor oan maioria mak uza internet, hodi asesu ba informasaun, no halao servisu. Enkunatu prosesu loading ba internet nee mos kleur tebes mezmu ho nia presu sae. Notisia kompletu lee iha jornal STL edisaun Sesta (22/03/2019).Guilhermina Franco

Komentariu

Facebook Comments

Leave a Reply

Your email address will not be published. Required fields are marked *