UPF Lapresija Arma Modernu

UPF Lapresija Arma Modernu

- in Politics
109
0
julio-pntl

DILI – Polisia Nasional Timor-Leste (PNTL), Unidade Polisia Fronteira (UPF) la persija kaer kilat modernu iha Timor Leste (TL), tamba laiha inimigu.

Lia hirak nee hatoo husi Komandante jeral PNTL, Komisariu Polisia, Julio da Costa Hornay iha salaun Sentru Formasaun PNTL, Comoro-Dili Tersa (26/2/2019).

Armas laos faktor determinante atu halo buat ruma, ita funu laiha ona, ita atu funu ho se, ita atu tau kilat ida neebe mais otomatis tau iha fronteira tiru malu ho Indonesia laiha, ita nia dever mak atu kombate ema ultrapasa fronteira nee, ho sasan illegal neebe tama illegal,”dehan Julio.

Nia hatete, lapersija tau kilat didiak Tanba Forsa Defeza Timor Leste fo apoiu hela ba Polisia Unidade Fronteira (UPF), Tanba nee wainhira mosu buat ruma hein troka deit posizaun.

Iha fronteira nee, ita lalika hatudu ita nia kroat, depois problema ruma iha neeba ita ulun fatuk moras atu resolve,” dehan nia

Nia hatete, la kaer kilat modernu nee laos katak ida nee dignidade nasaun, Maibe dignidade nasaun nee ema sira neebe moris iha rai nee hatudu displina nunee hodi dignifika nasaun Timor-Leste.

Ita buat hotu hakarak prepara ho buat kroat nee mak agora ema funu barak barak iha Timur Tengah, Siria, Amerika, tanba ita hakarak bersaing malu ho kilat cangihcangih, tanba nee mak problema iha neeba nee funu la hotu rai nee,” hatete nia. Lucia Ximenes

Komentariu

Facebook Comments

Leave a Reply

Your email address will not be published. Required fields are marked *