UNTL Simu Estudante  Rihun 4

UNTL Simu Estudante  Rihun 4

- in Edukasaun, Politics
24
0
domingos_lopes_lemos (1)

Editora: Carme Ximenes  

DILI-Membru Parlamentu Nasional preokupa ho planu, Universidade Nasional Timor Lorosae (UNTL) neebe simu deit, estudantes rihun  4  iha  anu letivu 2020.

Hatete deputadu CNRT Domingos Lemos, iha plenariu bainhira halo audensia ho Ministeriu Ensinu Superior, iha PN, Segunda (06/01/2020).

Domingos dehan, informasaun sai iha media barak neebe hatete, UNTL ba tinan ida nee sira so simu deit estudante 4.000 nee leitor nia liafuan.

Maibe tuir nia katak, maski nia orgaun autonomo, mais governu iha dever moral atu bele haree situasaun ida nee.

Mezmu orgaun autonomo, laos katak nia atu foti deit desizaun ruma, laharee ba situasaun agora iha, tanba estudante finalista sekundariu agora barak tebes sira atu ba neebe, se karik UNTL presiza deit 4 mil, ida nee problema boot, katak  Lemos.

Deputadu nee hatete, UNTL tinan oin mai labele akontese tan situasaun ida  hanesan agora UNTL halo dadauk nee.

Tanba nee nia husu, diak liu mellora instituisaun privadu sira halo diak liu tan, atu nunee UNTL laiha ona posibilidade atu bele akumula estudante sira hotu, ba instituisaun privadu sira mos bele akumula iha neeba.

Nunee mos deputadu bankada PD Antonio da Conceicão hatete, relasiona ho politika ensinu superior nian ba tinan agora 2020 nee, ba estudante sira neebe foin remata sira nia ensinu sekundariu.

Nia dehan, sa politika mak ministru opta fila fali hodi bele orienta difikuldade boot ba UNTL emtermus de atu simu estudante foun. I orientasaun area espesifiku neebe mak atu tama.

Hatan ba kestaun nee Ministru Ensinu Superiór, Siénsia no Kultura Longinhos dos Santos hatete,  liga ba politika ensinu superior liu-liu ba UNTL,  nian katak iha tinan 2019 ema hotu hatene katak, ministru halo ona prosesu ba rekrutamentu ba estudante foun por volta 9.488 ba estudante neebe atu asesu ba universidade publiku hanesan UNTL no IPB,

Ita haree ba ida nee hanesan presu boot ida ita obejtivu prinsipal liu-liu ba ministeriu ensinu superior nian, katak atu garante kualidade  nee afeta boot ida ho numeru ida nee, katak Ministru Longinhos.

Nia haktuir tan katak, politika ensinu superior nian atu garante kualidade liu-liu ba UNTL oinsa atu haree ba kualidade dosente, infraestrutura hanesan sala, laboratorium, bibleoteka nee sai hanesan preoridade atu hadia kondisaun.

Enkuantu atu rekruta estudante foun ba UNTL, ba tinan 2020 ita prepara ona kandidatu neebe iha por volta 3.865 neebe proposta mai husi UNTL no mos IPB, latoo  4 mil (4.000), tenik Longinhos.

Tuir nia, redus numeru nee tanba kondisaun iha UNTL mak seidauk permite atu akomula numeru neebe boot. Tanba objetivu ensinu superior nee atu garante kualidade, tanba nee mak hatun numeru, i ho numeru neebe mak UNTL fo nee  sira aseita. Guilhermina Franco

 

Komentariu

Facebook Comments

Leave a Reply

Your email address will not be published. Required fields are marked *