UNTL-ME Deskute Estudante Mestradu

UNTL-ME Deskute Estudante Mestradu

- in Edukasaun
231
0
UNTL

DILI – Universidade Nasional Timor Lorosae (UNTL) sei hasoru Ministeriu Edukasaun (ME), atu nunee bele fo oportunidade loke no simu estudante foun ba mestradu, tanba nee mestradu loke agora sei tuir nesesidade real nasaun nian.

Informasaun nee fo sai husi Reitor UNTL Francisco Miguel Martins katak, sira sei hasoru ME para fo oportunidade simu fali estudante foun, tanba programa nee halo lansamentu ofisial ba programa post graduasaun pesikiza i mestradu nee iha 2011, husi Prezidente momentu nee Ramos Horta no mos husi governu sira.

Hau sei hasoru malu ho ministru koalia kona ba despaisu neebe mak uluk halo, atu nunee bele fo oportunidade loke hodi simu alunus foun ba mestradu sira, maibe mestradu ita loke agora nee lahanesan ona uluk loke arbiru deit, maibe ita sei loke tuir nesesidade real iha nasaun ninia,” katak Francisco ba STL Kinta foin lalais nee bainhira hasoru malu iha ME Vila-Verde.

Nia hatete, depois sei haree estudu biabilidade ou haree husi nesesidade real nasaun nian, husi aspetu nee, nunee mos ba orsamentu agora biabel ba atu halao ba area ida nee, i nunee mos ba dosente sira atu asegura programa nee atu lao.

Iha parte seluk, Vice Ministru Edukasaun Abel Ximenes hatete, sira iha ME hamutuk ho Ministru ho Vice Ministra konkorda ona para diresaun jeral ensinu superior i ANAAA deside lalais, para fo lisensa aprovatoriu ba instituisaun balu neebe loke mestradu iha Timor. Atu nunee antes de VI governu remata nia mandatu iha ona instituisaun ida rua neebe loke ensinu mestradu iha Timor. Guilhermina Franco

Facebook Comments

Leave a Reply

Your email address will not be published. Required fields are marked *