UNDP Sosializa Meu Ambiente Ba Lider Komunitariu

UNDP Sosializa Meu Ambiente Ba Lider Komunitariu

- in Distritu
199
0
monumento_lifau

AMBENO-Secretariu RAEOA Asuntu Agrikultura no Dezenvolvimentu Rural servisu hamutuk ho UNDP/UNOPS sosializa Global Environment Facility- Small Grant Programe (GEF-SGP) ou protesaun meu ambiente ba programa introdusaun periode 2016-2018 ba lider komunitaria Oecusse.

Sosializasaun neebe halao liu husi sorumutu ho lider komunitaria sira iha Salaun Enkontru SRADR Bairu Horta, Suku Costa, Sub Rejiaun Pante Makasar, Oecusse, Kinta (21/9/2017), hetan partisipasaun husi membrus autoridade suku, ONG lokal, ONG, no xefi departementus RAEOA. Iha biban nee sira hotu halo diskusaun konaba  meu ambiente global.

Diskusaun refere foti tema, “Small Grant Programe Hamutuk Ho Komunidade Proteje no Konserva Ambiente No Rikusoin Railaran”. Objetivu programa nee atu suporta komunidade sira konaba konservasaun meu ambiente noagrikultura relasiona ho turismu komunitariu. Liuhusi programa nee, atu konhese klean konaba sira nia servisu ba oin no oinsa bele realiza ba komunidade sira iha baze.

Koordenador Nasional UNDP, Joao do Rosario Pereira esplika, enkontru refere nudar dalan ida hodi sosializasaun programa GEF-SGP ba lider komunitaria sira para suporta komunidade sira konaba konservasaun meu ambiente nomos agrikultura neebe relasiona ho turismo komunitariu ninian. Depois maka halao servisu ba oin, liliu oinsa realiza programa refere ba komunidade sira iha baze.

Ligadu ho sosializasaun nee,  UNDP fo apoiu fundus para suporta komunidade hodi implementa programa UNDP nian nee, liu husi introdusaun ambiental ba iha baze, liliu ba iha enclave Oecusse.  “Husi UNDP iha fundus uit oan atu suporta komunidade sira  paraimplementa programa nee iha baze. I hanoin ita labele uza iha prasa deit maibe ba mos komunidade sira iha area enclave nee,” nia afirma.

Antonio dos Rosario husi Fundasaun Fatusinai Oecusse (FFSO) haree katak, programa UNDP nian nee diak tebes hodi fo vantajen ba komunidade sira ba iha aktividades importante 4 maka hanesan mudansa klimatika, inundasaun ba rai nian, re-floresta nokonservasaun. Programa 4 nee UNDP konsege halao tiha ona iha Timor Leste,hahu  iha tinan 2012. “I hau hanoin sorumutu ohin loron kapas tebes hodi fomosvantajen ba sosiedade sivil sira hodi kompete iha programa nee, para depois fokontribuisaun ba komunidade sira, liliu komunidade neebe harii grupu iha baze. Nunee bele hadia sistema agrikultura no inundasaun ba rai nian”.

Konaba fundus, sira husi sosiedade sivil sei kompete iha orsamentu ida nee para bele servisu hamutuk ho komunidade sira iha baze hodi hadia sira nia agrikultura nomos sistema ekonomi neebe maak iha.

Nunee mos autoridade lokal sira  senteorgulhu ho sorumutu  refere hodi halo protesaun ambiental para koidadu rasik ambiente iha baze. “Hau orguilhu tebes ho programa UNDP nian nee hodi ambiente maibe atu aplika, ida nee depende ba proposta. I relasiona ho programa nee, Secretariu Rejional Asuntu Turismo no Komunitaria RAEOA, Inasia Teceira husu ba lider komunitariu  lokal sira atu servisu hamutuk ho  parte autoridade  para hetan ninia benefisiu ba povu. Nia husu servisu fo prioridade liu ba komunidade.

“Interesaun atu aplika ba fundus ida nee mak, tenki servisu hamutuk ho autoridade sira para bele aplika. Sekuandu ita halai ketak-ketak,labele lao ba oin. I ita hotu servisu ba povu Oecusse mais ita mos tenki hatene prioridade ida neebe maka importante iha area ida neebe maka importante hodi implementa iha programa nee, exemplo sekuando area ida ai oan no bee mos laiha,  depois ita fo importante ba ida nee mas depois bee mos mai husi neebe, neebe atu ita implementa ita nia partisipasaun persiza implementa iha fatin neebe iha, depois mak muda ba fatin seluk neebe mak bee laiha  mas implementa ho tempu udan ida strategia ida ke diak tamba nee hau husu ita hotu atu servisu hamutuk hodi hetan buat neebe atu halo ba komunidade sira iha baze ho diak”. Abilio Elo Nini

 

Facebook Comments

Leave a Reply

Your email address will not be published. Required fields are marked *