Uma Ida Hetan Sunu Husi Ema Deskonesidu Iha Suku Uilili

Uma Ida Hetan Sunu Husi Ema Deskonesidu Iha Suku Uilili

- in Distritu
67
0
Foho Matebian

BAUCAU– Uma ida hetan sunu husi ema deskonesidu iha Aldeia Uaimanuboe, Suku Uilili, Postu Administrativu Baucau Villa, Munisipiu Baucau iha Tersa, tuku 02.00 madrugada.

Tuir Oficisial Polisia Suku Uilili, Venancio Freitas Ba STL Kuarta (17/10) liu husi via telephone hateten antes akontese sunu uma iha Tersa dader, vitima ho komunidade ida istoria no kalan akontese tuda malu, hodi ikus mai mai resulta sunu vitima nian uma.

Antes akontese sunu uma nee akontese vitima ho senhora ida istoria malu iha tuku haat lokraik depois iha kalan akontese mos tuda malu too tuku 11 kalan depois ema neebe maka mai tuda uma vitima sira nian nee ema deskonesidu no too tuku rua madrugada maka ema suku tiha uma ho sasan iha uma laran ahi haan mos tiha kedas” katak OPS Uilili Venancio Freitas.

OPS Uilili hateten motivo sunu uma nee bele haree mos problema neebe maka vitima ho komunidade balun istoria malu, maibe informasaun neebe maka sira rona katak ema deskonesidu maka sunu no sasan neebe maka iha lakonsege salva tamba uma mutuk hotu.

Nunee mos Komandante Eskuarda Baucau Villa, Inspector Justinho Do Carmo Fernandes hateten akontesementu iha suku Uilili, antes sunu uma vitima istoria malu ho vijinho balun iha Segunda lokraik no iha tuku sia kalan, akonetese tuda vitima sira nia uma no parte seguransa mos simu telephone, maibe tamba kalan lakonsege halo atuasaun no iha tersa dader tuku rua akontese ahi han uma.

Nunee mos Vitima Ivonia Belo Freitas hateten akontese nee iha suku Uilili, iha aldeia Uimanuboe antes nee sira istoria malu ho senhora ida ho naran Angelina, depois kalan ema deskonesidu tuda vitima sira nia uma ho familia sira, ikus maka akontese sunu sira nia uma. Notisia kompletu iha STL Jornal edisaun Kinta (18/10/2018). Emerenciana Pinto

Facebook Comments

Leave a Reply

Your email address will not be published. Required fields are marked *