Udan Ben Diak Vantajen Ba Agrikultor

Udan Ben Diak Vantajen Ba Agrikultor

- in Economics
362
0
Agrukultur

DILI – Povu agrikultor tenke badinas halo toos ho natar, nunee bele redus produtu importasaun husi rai liur, tanba tinan nee nakonu ho udan ben no vantajen boot ba povu agrikultor atu halo servisu.

Preokupasaun nee hatoo husi Reprezentante povu iha uma fukun Parlamentu Nasional (PN) Deputadu Virgilio da Costa Hornai ba STL, Tersa (07/02/2017) iha nia knar fatin PN.

Hau hanoin too ona tempu atu eduka povu sira sai agrikultor neebe diak, ho nunee bele redus produtu importasaun husi Nasaun seluk tama mai ita nia rai laran, no tinan ida nee nakonu tebes ho udan ben, ida nee hanesan bantajen boot id aba agrikultor sira atu badinas halo Natar,” dehan Deputadu Virgilio.

Nia mos informa liu tan katak, tinan-tinan produsaun iha rai laran tun tanba udan ben mai ladun diak, maibe tinan nee povu agrikultor sira kontente atu halo servisu, tanba sira la buka ona bee atu hatama ba sira nia toos ho natar.

Iha fatin hanesan Deputadu Adriano Joao mos hatutan, tinan ida nee lori sorte ba agrikultor sira atu halo  tos ho natar, tanba udan ben diak. Tan nee povu agrikultor sira iha Maliana, kuandu loron sira nia uma mamuk tanba sai hotu ba halo Natar, ida nee hatudu vantajen boot.

Nunee mos Deputadu Jacinta Abucau Pereira hatutan, tinan ida nee udan ben diak lori rezultadu diak ba agrikultor sira neebe maka badinas halo natar, no toos, maibe lori mos tristeza ba povu sira neebe maka moris ho fila liman, tanba Estrada kotu atividade hotu sei la lao diak, influensia husi udan neebe mai la hatene loron no kalan. Madalena Horta

 

 

Facebook Comments

Leave a Reply

Your email address will not be published. Required fields are marked *