Tuku NC Nia Nehan Musan, SJ Hatan Tribunal

Tuku NC Nia Nehan Musan, SJ Hatan Tribunal

- in Metro
24
0
TTD1

Dili- Arguidu ho inisial SJ tenke hatan iha Tribunal, tanba tuku vitima ho inisial NC nia nehan musan ida, semo sai husi ibun laran.

Antes atu tama ba iha julgamentu, Tribunal hare katak krime ofensa integridade fisika simples no krime danu simples, nia natureza semi publiku lei fo dalan atu bele dada fila, tanba nee liu husi tentativa husu ba iha vitima, atu aseita bele dada fila.

Maibe vitima hateten katak, nia hakarak dada fila krime nee, bainhira arguidu selu multa U$ 500 dolar. Razaun husu osan atu sosa fali nehan foun, neebe ho nia presu U$ 400 dolar, no restu atu selu telefone no kapasete neebe arguidu baku rahun.

Arguidu mos hatan, maibe nia dehan katak sei fo tuir kbiit neebe iha. Arguidu hakarak fo sei osan U$ 400, ba vitima tanba vitima maka book uluk arguidu nia feen, mak halo arguidu nervoju hodi tuku nia.

Rona tiha arguidu, vitima lakohi hadame malu vitima nia hakarak, hili atu julgamentu ba oin too Tribunal maka foti desizaun, tanba arguidu la fo osan tuir vitima husu.

Rona tiha husi vitima, iha mos julgmentu seluk neebe marka ona data, tanba nee Tribunal adia hikas ba krime nee, ba fali iha loron seluk.

Tribunal deside hodi adia fali ba iha loron, 27 fulan Novembro oras tuku 14:30 hodi kontinua julgamentu.

Audensia julgamentu nee, prezide husi Juis Singular Ivan Suritay, Ministeriu Publiku reprezenta husi Prokurador Hipolito Santa, arguidu hetan asistensia legal husi Defensor Publiku. Informasaun kompletu iha STL Jornal, edisaun Tersa (6/11/2018). Terezinha De Deus

Facebook Comments

Leave a Reply

Your email address will not be published. Required fields are marked *