Troka Alkatiri Laos Tuir AMP Nia Gostu

Troka Alkatiri Laos Tuir AMP Nia Gostu

- in Nasional
153
0
1

DILI-  Atu troka Prezidente Autoridade RAEOA e ZEESM –TL Mari Alkatiri husi Oecusse tenke bazea ba regras no lei neebe mak estabelese, laos tuir fali militante AMP sira nia gostu.

Kestaun nee hato husi Eis deputadu Leandro Isaac ba STL, Kinta ( 28/03/2019). Eis deputadu Leando hatete, Prezidente Autoridade RAEOA e ZEESM-Timor Leste Mari Alkatiri ba halao servisu iha Oecusse, laos tanba militante AMP nia gostu, maibe bazea ba iha regras juridika, tanba nee ema hotu hein no  hodi hare atu to iha neebe interferensia politika hasoru lei iha nasaun ida nee.

Dr.Mari Alkatiri ba Oecusse laos tanba militante AMP nia gostu, maibe bazea ba iha regras juridika ida, tanba nee ita hotu hein no  hodi hare atu to iha neebe interferensia politika hasoru lei iha nasaun ida nee,” dehan Eis deputadu Leandro.

Eis deputadu husi bankada PSD iha Primeiru Lejislatura nee mos duvidas ho ema neebe mak atu troka PA Mari Alkatiri husi Oecusse, tanba tuir nia katak, ema neebe mak ba troka nee sei halo dezenvolvimentu hanesan PA Mari Alkatiri halo nee ka lae.

Ita hein hodi hare to iha neebe ema ida atu troka PA Mari Alkatiri nee, nia sei halo dezenvolvimentu liu hanesan PA Mari Alkatiri halo nee ka lae ,” eis deputadu Leandro hatete.

Tanb nee eis deputadu Leandro Isaac hatete, Labele odio ho vingansa liu husi poder hodi troka PA Mari Alkatiri, tanba bainhira odio ho vingansa mak dezenvolvimentu iha rai laran sei lalao ba oin ho diak.

Iha parte ketak Prezidente bankada CNRT deputadu Duarte Nunes hatete, Mandatu Prezidente Autoridade RAEOA e ZEESM-Tl Mari Alkatiri sei remata iha fulan Jullu tinan ida nee, tanba nee atu ekstende ou lae depende ba governu liu husi Primeiru Ministru no Prezidente da Republika. Notisia kompletu lee iha jornal STL edisaun Sesta (29/03/2019).Carme Ximenes

Komentariu

Facebook Comments

Leave a Reply

Your email address will not be published. Required fields are marked *