Tribunal Kontinua Rona Sasin Kazu Insendiu

Tribunal Kontinua Rona Sasin Kazu Insendiu

- in Nasional
446
0
TTD1

DILI- Tribunal Distrital Dili, iha loron 10/01/2018 kontinua rona sasin ba kazu insendiu, neebe komete husi arguidu nain rua.

Iha deklarasaun nee, sasin Joao Lopes hateten, momentu nee nia tur hela iha Fransisco nia uma laran, derepente hare arguidu rua halai tama ba uma laran, hodi buka Jil no Fransisco, no Fransisco nia fen hatan ba katak, Marciano Adriano maka mai nee, ita mate ona.

Deklara tan, Rona nee Adriano foti gazolina fakar ba didin lolon hodi sunu Fransisco nia uma, maski arguidu nain rua taka hotu oin ho topen metan, maibe testamuna konhese Adriano liu husi nia lian neebe hakilar.

Iha loron 22 fulan Novembru 2016 tuku 14:00, arguidu AM, ho arguidu RN, tama ba iha lezadu F nia uma, hodi husu Edy no Jil.

Hafoin husu tiha ba lezadu nia kaben Evalina, arguidu AM lori ahi kose hodi sunu tali tahan, maibe la konsege. Nia foti fali gazolina hodi fakar ba uma nia didin lolon, no soe sae ba iha uma leten.

Ahi komesa han uma, lezadu ho nia alin Marcelino halai sai ba liur, no sira hana dala ida iha lezadu nia liman loos.  Lezadu ni nia familia sira prekupa loos, maibe ahi han nafatin uma, hosi han iha sala kozinha nian, too uma prinsipal hotu, hodi rona arguidu sira hakilar, ami husi grupu kolimau 200.

Konsekuensia husi arguidu sira nia hahalok, halo lezadu sira nia uma ahi han, animal no fore fini ahi haan hotu ho valor $150, ahi han mos meza kadera no kama. Arguidu AM no RN nudar autor ba krime insendiu iha artigu 263 kodigu penal.

Hatana ba akuzasaun arguidu sira deklara katak, faktus balu loos, no balu lalos. Alende nee, lezadu mos haforsa tan akuzasaun neebe iha, katak arguidu sira sunu duni nia uma, no arguidu sira mai husi grupu kolimau.

Rona tiha deklarsaun nee, tribunal suspende hikas ba iha loron 30 fulan Janeru tuku 3:00 hodi rona tan deklarasaun husi testamuna seluk. Terezinha De Deus

Facebook Comments

Leave a Reply

Your email address will not be published. Required fields are marked *