Tribunal Julga Kazu Matebian Mauk Moruk

Tribunal Julga Kazu Matebian Mauk Moruk

- in Nasional
449
0
TTD1

DILI- Tribunal Distrital Dili, iha loron Tersa (03/07/2018), halao primera julgamentu ba arguidu nain rua nulu resin ida, neebe deskonfia komete krime alterasaun estadu de direitu artigu 202 KP, krime asosiasaun kriminoza artigu 188 KP, krime abuzu sinais ka uniforme husi artigu 194 KP, krime extorsaun husi artigu 270 KP, krime burla husi artigu 267 KP.

Husi faktus sira neebe hatoo nee, Antonio Aitahan Matak, Angela Freitas, Amaro da Conceisao, Manuel Guterres, Jose/Sergio dos Santos Lemos, Rofina do Carmo, Moises do Carmo, Angelo da Silva, Joaquem Fernandes, Ivo de Jesus, Paulo Parada, Manuel Gusmao, Marcelino da Conseisao, Gil Fernandes, Jose Teki Liras, Joao da Silva, Simiao De Araujo, Antonio Casemiro, Paulo Soares, Adriana Atok, Lourenco Barreto, hanesan ko autoria material ho forma konsumada no ho konkursu real, komete krime alterasaun estadu de direitu artigu 202 KP , krime asosiasaun kriminoza artigu 188 KP, krime abuzu sinais ka uniforme husi artigu 194 kogidu penal.

Arguidu sira Simiao De Araujo, Antonio Casamero, Paulo Soares, hamutuk halo krime extorsaun husi artigu 270 KP. Arguida sira Adriana Atok no Lourenco Barreto, hamutuk halo krime burla husi artigu 267 KP.

Iha julgamentu laran, arguidu balu hili sira nia direitu nonok, iha arguidu balu hili sira nia direitu atu koalia.

Hatan ba faktus nee, arguidu Aitahan Matak deklara, konaba faktus nee, arguidu iha konesementu uitoan deit.

Hau nia konesementu katak, organizasaun rua nee CRPM no CPD-RDTL, la lao hamutuk, maibe lao keta ketak, hau nia konesementu konaba ida nee deit, maibe seluk fali hau la hatene, ”dehan arguidu iha sala julgamentu TDD Tersa, (03/07/2018).

Nune mos arguida Angela Freitas deklara katak, faktus neebe iha falsu.

Audensia julgamentu nee, prezide husi juiz kolektivu Fransisca Cabral, Jose Maria, Maria Solana, Ministeriu Publiku reprezenta husi Prokurador Jacinto Babo, Rogerio Viegas, arguidu sira hetan asistensia legal husi Advogadu Privadu no Defensor Publiku. Notisia kompletu lee iha edisaun STL Kinta (05/07/2018). Terezinha De Deus

Facebook Comments

Leave a Reply

Your email address will not be published. Required fields are marked *