Tribunal Homologa Arguidu CG

Tribunal Homologa Arguidu CG

- in Nasional
578
0
TTD1

DILI- Tribunal Distrital Dili, iha loron 11/01/2018 homolonga arguidu ho inisial CG tanba, lezada hakarak dada fila kazu nee.

Antes nee, tribunal hare ba krime nee semi publiku, lei fo dalan atu bele dada fila, tanba nee liu husi tentativa konsiliasaun tribunal husu ba lezada hakarak atu dada fila fali krime nee.

Nunee lezada mos aseita atu dada fila, maibe husu ba arguidu atu labele halo tan, arguidu mos husu deskulpa ba lezada, no promete sei la halo tan hahalok nee. Rona tiha husi parte sira nee, tribunal homologa arguidu husi krime neebe imputa ba nia, maibe husu atu lable repete tan hahalok nee.

Tuir akuzasaun neebe iha, iha loron 07 fulan Janru 2017, iha Fomentu II, suku Comoro, lezada MSV tur hela iha nia uma laran, derepente rona barolho lezada mos halai sai ba hare.

Momentu nee, arguidu CG rasta hela lezada nia alin mane naran Elias, husu ba arguidu katak, problema saida maka ita rasta hau nia alin, arguidu mos resposta ba lezada katak nusa.

Hafoin arguidu tolok hasoru lezada ho lia fuan mal, rona tolok lezada mos hatan ba arguidu katak, nusa o tolok, arguidu dehan fali hau tolok duni o.

Arguidu mos dehan ba lezada katak, sorti o feto, o mane ida karik hau baku tiha o, arguidu mos ameasa lezada katak o bele ba kesar iha tribunal, maibe hau maka sei menan. Konsekuensia husi arguidu nia hahalok, halo lezada sente tauk, tanba tolok no ameasa.

Arguidu CG nudar autor ba krime ameasa iha artigu 157 kodigu penal. Terezinha De Deus

Facebook Comments

Leave a Reply

Your email address will not be published. Required fields are marked *