Tribunal Aplika Pena Admoestaun Ba Arguidu RM

Tribunal Aplika Pena Admoestaun Ba Arguidu RM

- in Nasional
194
0
TTD1

DILI- Tribunal liu husi leitura akordaun, aplika pena admoestaun ba arguidu ho inisial RM, tanba komete krime violensia domestika ho forma ofensa integridade fisika simples.

Razaun tribunal aplika pena admoestaun, tanba arguidu konfesa imparsialmente, no maske fahe malu ona, arguidu nafatin apoiu nia oan, iha nesesidade neebe presija.

Tuir akuzasaun neebe iha katak, arguidu ho lezada moris hamutuk hanesan fen no laen iha tinan 2014, iha oan feto ida.

Iha loron 6 fulan Abril 2017 mais ou menus oras tuku 8:00 iha sira nia hela fatin Surik Mas lezada foti tiha arguidu nia telemovel, maibe arguidu hadau fali.

Mosu kedan diskusaun antre arguidu no lezada, maibe arguidu diretamente basa iha lezada nia hasan, rakut iha lezada nia fuuk, halo lezada sente tauk, hodi halai ba iha nia bin sira nia uma, iha Aimutin.

Nunee arguidu ho lezada mos halo akordu, hodi vizita sira nia oan, tanba arguidu ho lezada deside fahe malu ona.

Konsekuensia husi arguidu nia hahalok, halo lezada sente moras, no tauk halai ba nia bin sira, hodi hili dalan fahe malu.

Arguidu hanesan autor material ba krime, violensia domestika ho forma ofensa integridade fisika simples neebe previstu iha artigu 145 kodigu penal, no lei violensia domestika no 7/2010. Terezinha De Deus

Facebook Comments

Leave a Reply

Your email address will not be published. Required fields are marked *