Tribunal Adia Kazu SEAK

Tribunal Adia Kazu SEAK

- in Nasional
40
0
TTD1

Dii- Tribunal Distrital Dili, adia hikas kazu eis Sekretaria Estadu Arte no Kultura (SEAK) Maria Isabel De Jesus Ximenes neebe diskunfia komete krime pekulatu artigu 295, krime administrasaun neglijente artigu 275, no krime abuzu poder artigu 297 husi Kodigu Penal Timor Leste.

Rajaun Tribual adia, tanba Prokurador Titular Jasinto Babo ba tuir tiha formasaun iha rai liur, maske substitui fali husi Prokurador Rogerio Viegas.

Juis prosesu hare katak, kazu nee Prokurador Titular mak iha konesementu klean, tanba nee substitui fali ba iha Prokurador seluk, la dun iha konesementu ba kazu nee.

Tanba nee, Prokurador substitui mos aseita ho Juis prosesu, atu adia kazu nee ba iha loron seluk, hein Prokurador Titular mai, mak kontinua rona sasin sira, ba iha kazu refere.

Ho nunee Tribunal Kolektivu deside, hodi adia hikas kazu nee, ba fali iha loron 3 fulan Dezembru, hodi kontinua rona sasin neebe notifika ona. Notisia kompletu lee iha jornal STL edisaun Kuarta (07112018). Terezinha De Deus

Facebook Comments

Leave a Reply

Your email address will not be published. Required fields are marked *