Trata Arte Marsial Hanesan Desportiva

Trata Arte Marsial Hanesan Desportiva

- in Politics
84
0
Lere1

DILI-Xefe Estadu Maior Jeneral Das F-FDTL, Major Jeneral Lere Anan Timur hatete, atu kontrola diak liu ba krime sira neebe akontese, presiza hatur grupu arte marsial, nudar organizasaun formal no trata hanesan organizasaun desportivas.

Kestaun nee hatoo husi Xefe Estadu Maior Jeneral Das F-FDTL, Major Jeneral Lere Anan Timurba jornalista sira, bainhira remata enkontru regula ho Prezidente Republika Francisco Guterres Lú Olo, iha Palasiu Prezidente Nicolau Lobato,  Bairru Pite, Dili, Kuarta (11/12/2019).

Too agora      la iha  situasaun ida neebe grave,  maibe sempre  iha konflitu  kiik oan  iha fatin -fatin, uluk  temi  arte  marsiais maibe  agora la rona arte marsiais, maibe  dehan   grupus mak ataka malu  krime de organizasaun, tanba nee mak hau hatete ba Prezidente,  governu loke  arte marsiais  ho ninia estrutura propiu no estatuta para ita bele kontrola, dehan Lere ba jornalista sira, bainhira remata enkontru regula ho Prezidente Republika Francisco Guterres Lú Olo, iha Palasiu Prezidente Nicolau Lobato,  Bairru Pite, Dili, Kuarta (11/12/2019).

Jeneral fitun rua nee realsa tan katak, arte marsial neebe iha Timor nee  husi Indonezia,  lori mai iha tempu funu  atu apoia  Indonezia militar  sira halo funu hasoru ninia maluk  Timor oan sira, maibe Indonezia retira ona  agora nasaun soberanu indepedente.

Nia afirma tan katak, arte marsial agora ba kaer laos   ema seluk,  maibe nia ema sira uluk  baku malu nee mak   nafatin, diferensia mak laos  SH, Korka ka Kera Sakti, maibe nia ema nafatin, tanba  nee solusaun mak ida nee  tenke loke maibe ezije para hare sira nia estatuta.

Iha biban nee mos Lere Anan Timor hatete, sei kopera ho nasaun vizinu Indonezia no Australia atu tau matan ba seguransa Fronteira Maritima.

Xefe Estadu Maior Jeneral hatete,nudar nasaun vizinu, inseguransa iha nasaun ida sei lori impaktu inseguru ba nasaun sira seluk.Tanba nee governu sei sosa tan ro ida atu tau matan ba seguransa maritima.

Nia afirma tan katak, agoradadaun halo esforsu hodi buka tulun ba nasaun dezenvolvidu sira atu fo apoiu ba komponente aeria F-FDTL.

“Estadu Unidus hatudu tiha ona nia interese atu apoiu instituisaun militar liu husi rehabilita aeroportu Baucau, neebe sei entrega ba ita nia forsa F-FDTL,” Jeneral Lere salienta. ESTI 02

 

Komentariu

Facebook Comments

Leave a Reply

Your email address will not be published. Required fields are marked *