Traballador Korea Apoiu Roo Peskas Ba TL

Traballador Korea Apoiu Roo Peskas Ba TL

- in Economics
302
0
img_0259

DILI – Traballador Timor oan neebe servisu iha Korea tau osan hamutuk hodi sosa ro peskas ida atu apoiu governu Timor Leste (TL). Iha ro nee kompletu kedan ho ninia fasilidade hanesan Redi kail ikan nian kuaze 3000 hodi fasilita diak liu tan peskas iha rai laran.

Informasaun nee hatoo husi Sekretariu Estadu Politika Formasaun Profesional Empregu (SEPFOPE), Ilidio da Costa ba STL, Tersa (14/03/2017) iha Timor Plaza.

Hau hanoin apoiu neebe traballador sira fo ba TL nee, importante tebes tanba sira iha inisiativa hodi tau osan hamutuk, hodi sosa roo ida no redi kail ikan nian rihun tolu, no SEPFOPE mos iha ona hanoin atu sosa tan roo ida atu nunee ita iha roo rua bele fasilita kontrola pasksas iha rai laran,”dehan SEPFOPE Ilidio.

Nia mos informa liu tan katak, SEPFOPE aloka ona osan atu sosa Roo ida, no traballador sira mos tau hotu ona osan atu sosa ida, no hein deit roo rua nee ho rede atu too iha TL iha tempu badak nia laran atu bele halao operasaun.

Iha parte seluk Reprezentante povu iha Uma Fukun Parlamentu Nasional, Deputadu Paulino Monteiro hateten, apoiu neebe maka traballador Timor oan sira fo nee, importante tebes tanba traballador sira nee mos hatene katak, TL nia rekursu umanus iha rai laran nee seidauk sufsiente, tan nee susar atu kontrola peskas illegal iha rai laran.

Ita hare Governu halo akordu ho kompania Internasional ida, maka mai halo hela peskas iha rai laran, no ita rasik labele ba kontrola iha tasi tanba ita nia roo laiha tan nee, kompania Internasional nee bele kaer ikan saida deit ita la hatene,” informa Paulino.

Nunee mos Vice Prezidente CCI-TL, Joao Alves hateten, roo peskas neebe atu sosa nee laos traballador sira mesak maka atu sosa maibe, SEPFOPE mos tau ona osan atu sosa tan roo ida hodi fasilita diak liu tan Polisia Maritima no Forsa Naval sira atu bele kontrola diak liu tan atividade peskas neebe maka lao iha rai laran. Madalena Horta

 

Facebook Comments

Leave a Reply

Your email address will not be published. Required fields are marked *