Trabailhador Waskita Karya Iha Unidade Forte

Trabailhador Waskita Karya Iha Unidade Forte

- in Distritu
2889
0
monumento_lifau

AMBENO-Trabailhador Timor Leste iha Oecusse maka durante nee servisu iha Kompania Waskita Karya (husi Indonesia) hodi halo projetu estrada no ponte (ZEESM TL) iha Ambeno, Oecusse, sura hamutuk nain 200. Sira servisu hamutuk ho trabailhador husi Indonesia no Portugal nain 121. Total 321. Desde sira hamutuk no servisu iha kompania ida nee, entre sira iha unidade metin, iha linha koordenasaun diak tebes.

Deputi Project Manager Waskita Karya ba Estrada no Ponte Pakote I Oecusse, Eng. Sihar P. Hasibuan hateten, durante nee, sira trabailador nain 300 resin. Sira hotu halao servisu diak, kumpri disiplina servisu, iha linha koodernasaun diak. Entre sira iha unidade forte, konsidera malu nudar maun no alin. Laiha problema.

Ami nia servisu durante nee, involve trabailhador barak. Husi Timor Leste, liliu Oecusse oan iha nain 200, husi Indonesia no Portugal, nain 121. Husi trabailhador sira nee, barak liu tenaga kerja lapangan no tenaga kerja pendukung, i tenaga ahli (tekniku) maioria husi Indonesia. Desde Waskita Karya hahu servisu, katak Hasibuan, sira mos rekruta calon-calon tenaga ahli husi Oecusse. Iha nain hira maka, sira eduka no trenu ona. Husi nain hira nee, balu ba area survey, balu ba area laboratorium, no balu ba area planu halo dezenhu (perencanaan gambar).

Ami hakarak sira nee tenke matenek no servisu mesak, matenek iha area/di bidang tertentu,” hateten Hasibuan ba STL iha Ponte Noefefan, Suku Lifau, Sub Rejiaun Pante Makasar, Segunda (23/10/2017).

Espesial ba area trabailhador do kampu (tenaga kerja lapangan) neebe sira rekruta, maioria husi ema Timor Leste iha Oecusse. Ema sira nee, balu Oecusse oan no halao servisu nudar supervisor, balu mekanik hodi haree makina boot (alat berat) neebe aat (tenaga mekanik maioria husi Indonesia) no operator alat-alat berat. “Ami sira iha kapasidade atu sai operador alat-alat berat,” dehan Hasibuan.

Entretantu trabailhador husi Indonesia, sira hatama deit nain 100, husi Oecusse nain 200. Total nain 300. Entretantu hodi garantia trabailhador sira nia servisu, katak Hasibuan, sira forma ekipa K-3 (Keselamatan, Kesehatan, Keselamatan Kerja). Ekipa nee lidera husi trabailhador Indonesia maibe ninia elementus barak liu Oecusse Oan para sira hatene oinsa halao funsaun K-3. Ekipa nee sira forma bazea ba kontratu ho governu Timor Leste no regras neebe vigora iha Timor Leste.

Husi fatin lahanesan, Inspector SEPFOPE RAEOA, Ermindo Talue rekoinese informasaun neebe Hasibuan hateten. Semana kotu sira ba halo ona inspeksaun ba iha Kompania Waskita Karya. Trabailhadores iha kampania nee hamutuk 321 (trabalhadores lokal nain 200, no nain 121 husi railiur). Durante nee, entre trabailhador sira nee laiha problema ba malu nomos ba kompania. Sira hotu servisu ho diak, iha unidade forte ba servisu. I kompania mos fo atensaun ba problema keselamatan kerja no kesehatan trabailhador.

Inspeksaun neebe sira halao semana kotuk nee, halo ba empreza lokal 12, no emprezario estranjeiru 8. Husi dadus neebe sira hetan, trabalhadores servisu iha kompania internasiona sira iha Oecusse iha 821. I sira mos halo inspeksaun ba kompania internasional iha Oecusse, hanesan Waskita Karya, Hutama Karya, no Wijaya Karya (husi Indonesia) no Kompania Youngjing husi Xina. Abilio Elo Nini

Facebook Comments

Leave a Reply

Your email address will not be published. Required fields are marked *