Trabailador Hatoo Keixa, Komisaun D-PN Bolu Fokupers Klarifika

Trabailador Hatoo Keixa, Komisaun D-PN Bolu Fokupers Klarifika

- in Metro
82
0
13159977_bYJzN

DILI-Eis trabailhador iha Fokupers nain 6, hatoo keixa ba Komisaun D-PN, Kinta (12/10/2017). Haree problema nee, Komisaun D-PN bolu Fokupers halo klarifikasaun ba keixa neebe trabalador sira hatoo.

Prezidenti Komisaun D-PN, Dimetrio do Amaral de Carvalho esplika, sira bolu Fokupers halo klarifikasaun ba keixa neebe hatoo husi trabaladores nain 6. I bolu mos organizasaun neebe tau matan ba trabalador  (KSTL) neebe akompanha trabalador nain 6 hatama keixa ba Komisaun D-PN.

Husi problema nee, katak Dimetrio, Komisaun D nota katak, iha intrepretasaun diferente husi parte rua (eis trabalador no Fokupers) konaba indimizasaun ba trabaladores nain 6 neebe, sira nia kontratu remata ona. Tuir Fokupers, bainhira kontratu hotu, sira iha obrigasaun atu fo kompensasaun ba trabalador sira. Tantu iha intrepretasaun direferente ba indimizasaun.

Bazea esplikasaun Fokupers, sira laos hasai trabailador sira maibe ONG sira. Nee bazeia ba donor, no trabailador sira halo kontratu tuir projetu. Nomos iha trabalador balu neebe sira nia kontratu hakotu iha fulan klaran. Tuir Fokupers, wainhira kontratu hotu, trabalador sira bele aplika fali ba posto hanesan ho rekerimentu neebe aplika ba novo trabalador sira hotu.

Responde problema nee, Direktora Fokupers, Marilia da Silva Alves hateten, trabailador nain 6 nee, sira nia kontratu remata ona, maibe iha prosesu rekrutamentu fila fali no sira latuir prosesu nee. Ida nee mak halo sira hatoo keixa. Antes ba Komisaun  D-PN, sira hatoo keixa ba SEPFOPE. Emerenciana Pinto/Carme Ximenes

Facebook Comments

Leave a Reply

Your email address will not be published. Required fields are marked *