Tour Bicikleta 2017, Sei Hola Rute Iha Area Bobonaro

Tour Bicikleta 2017, Sei Hola Rute Iha Area Bobonaro

- in Distritu
113
0
bike-wine-tour

MALIANA-Tuir planu, tour bicikleta de Timor ba tinan ida nee, sei realiza iha dia 19 Setembru 2017. Tour nee, sei fo volta liu husi rute area autoridade Municipal Bobonaro.

Tuir Campsite Coordenador Johnny Guterres, tour sei bolta husi area Municipio Aileu, Dili, depois akompainamentu iha area Tunubibi, hodi fo volta ba area autoridade Municipal Bobonaro. Depois, fila liu husi estrada protokolu inetrnasional, Maliana-Liquica. Finish iha Dili.

Iha area autoridade Municipal Bobonaro, cklista lokal hamutuk ho ciklista nasional, sei halo akompainamentu iha Tunubibi, Suku Tapo-Memo, Postu Administrativu Maliana. Depois, star husi Pura nia oin, ba kapital Maliana.

Husi Maliana Ciklista sira, sei liu ba area Postu Administrativu Bobonaro. Liu husi area Suku Oeleu, Tapo, no Suku Leber liga ba Postu administrativu Lolotoi. Area Lolotoi, sei liu iha area Suku Lontas, Suku Lebos no Suku Gildapil. Husi area Postu Lolotoi, ciklista sira sei tun ba area Atos, Sucu Gildapil, hafaoin tama fali ba area Postu Administrativu Maliana liu iha area Suku Saburai no Tapo Memo. Finish iha Tunubibi.

Entretantu, Coordenador Tour de Timor, Simco da Silva Salsinha hateten, iha eventu tour nee, ciklista nasional hamutuk ho ciklista internasional husi nasaun balu. Sira sei hola parte iha eventu importante ida nee.

Tour nee mos sei lao liu husi area autoridade Municipal Bobonaro. Komisaun ba tour nee hasoru ona, Prezidente autoridade Municipal Bobonaro, Zeferino Soares dos Santos hodi husu fatin ba akanpamento.

Maske eventu nee, sei realiza iha fulan Setembru 2017, Federasaun Ciklista Timor Leste, rejista ona ciklista sira mak atu kompete iha tour nee. Registu ba ciklista, komisaun entrega responsablidade ba federasaun mak registo. Komisaun suporta deit, hodi fo sukseu ba actividade.

Agora dadaun, Federasaun Ciklista Timor Leste regista ona ciklista nasional, ciklista internasional sira mak hakarak kompete iha iha tour de Timor,” Simco hatete.

Direktur Teras Propiedade autoridade Municipal Bobonaro, Damião Fontes Lobato hatete, parte Teras Propiedade hare ona fatin konsentrasaun ba ciklista nasional no internasional iha Tunubibi. Sucu Tapo-Memo, Postu administrativo Maliana.

Damião hatete, ciklista sira uza fatin ba akanpamento provizoramente iha Pura oin. Tamba Pura ne’e, nudar patrimonio cultura Timor Leste, mak iha valor istoria. Iha tinan 1999 liu ba, ema Bali sira husik hela, hafoin Timor Leste haketak an husi Indonesia, hili hakarak ukun rasik an. “Fatin akanpamento ne’e uza deit iha Pura nia oin. Mais ida nee provizamente deit,” afirma Damião. João Mau Leto

 

Facebook Comments

Leave a Reply

Your email address will not be published. Required fields are marked *