Too Ona Tempu Feto Lidera PNTL

Too Ona Tempu Feto Lidera PNTL

- in Politics
47
0
PN

DILI-Mandatu Komadante jeral PNTL, komisariu Julio Hornay, sei remata iha tinan ida nee, tanba nee too ona tempu Feto PNTL bele lidera instituisaun ida nee.

Ita hare ema hahu promove naran kandidatura sira nee, inklui mos maluk feto ida neebe iha kapasidade atu lidera instituisaun PNTL nee,  tanba bain hira koalia konaba igualidade jeneru, maka feto mos iha Diretu atu compete iha pozisaun sira hanesan nee,  bain hira nia mos prense rekezitus sira neebe iha, tan nee hau hein katak, kandidatura neebe iha intrese atu nomia aan ba pozisaun ida nee, liu liu maluk feto sira, no instituisaun labele kria rekezitus neebe dobru husi rekezitus normal neebe mane sir abele aplika,”dehan Vice Preszidente Parlamentu Nasional, Angelina Sarmaneto ba STL Segunda (11/03/2019) iha PN.

Nia mos afirma liu tan katak, dala barak kuandu feto sira atu okupa pozisaun sira hanesane nee, sempre iha kriteria neebe barak, maibe ba mane sira kriteria ladun iha, ida nee sai mos obstaklu ba feto sira atu kompete.

Hau hanoin Komadante Natercia, hanesan feto potensial neebe durante nee compete ho mane sira, tanba uluk nia maka Komadante iha Munisipiu Liquisa, no agora Komadante iha Munisipiu Ermera, ho kareira neebe iha halo ema barak fo fiar ba nia atu lidera instituisaun nee,”dehan nia.

Tuir Vice Prezidente Parlamentu Nasional nee katak, durante nee ema barak maka kestiona kapasidade PNTL nian, tanba problema barak sempre akontese iha rai laran, maibe atu dehan deit katak,tenke halo reflesaun katak, saida maka sai hanesan obstaklu tan nee la rezolve problema hotu hotu, karik sei falta formasaun neebe liga ho nasionalismu no patrotismu, haketak tiha intrese grupu, intrese familia ka intrese organizasaun ida nian, ho nunee atua situasaun ka rezolve situasaun ho profesionalismu.

Iha fatin hanesan Deputadu David Dias Ximenes (Mandati) hatutan, governu tenke hare ona madatu Komisariu Julio Hornay nian, tanba tuir lei governu nee, governu maka sei halo proposta no Prezidente nomeia hodi fo pose.Notisia kompletu lee iha jornal STL edisaun Tersa (12/02/2019). Madalena Horta/Guilhermina Franco

Facebook Comments

Leave a Reply

Your email address will not be published. Required fields are marked *