Tokon $147  Ba Kombustivel

Tokon $147  Ba Kombustivel

- in Economics, Politics
94
0
download (19)

Editora: Carme Ximenes

DILI– Membru Parlamentu Nasional preokupa ho Orsamentu Jeral Estadu (OJE) 2020, neebe Ministeriu Obras Publika prevee tokon $160 (72 %) ba EDTL, tanba husi total nee tokon $147 sira aloka ba kombustivel.

Prezidente Komisaun E, atual Deputadu Bankada PLP Abel Pires hatete, ohin komisaun E audensia ikus liu ho kompania neebe fornese mina no halo manutensaun ba Sentru Hera ho Betanu iha kompania 3, maibe Sakom lamarka prezensa, iha deit Eto ho Warsila.

Tuir nia katak, kompania sira nee Eto halo fornesementu  ba Hera, Sakom fornese ba Betanu, Warsila halo manutensaun ba sentru 2 nee.

Atu hatene loos kondisaun kompania sira, ami bolu sira mai tanba orsamentu ba EDTL kuaze tokon $160, se tau ba persentajen iha 72%  husi total orsamentu ba  MOP, nee boot tebes,  orsamentu ba mina reprezenta 107 % nee sae husi orsamentu ba mina iha 2019, tanba 2019 millaun 68, maibe 2020 sae ba millaun 147 ba kombustivel nian, nee ami preokupa no bolu sira mai hatene, bainhira PN atu halo aprovasaun, hatete Abel ba Jornalista sira, bainhira remata audensia iha PN, Dili, Sesta (10/01/2020).

Nia afirma, haree ba orsamentu sae foin lalais audensia ho Ministru obras, sira husu razaun maibe lakonsegue hetan informasaun. Tanba nee  sira bolu kompania 3 hodi hatene loos konsumu mina ba loron ida hira, tinan ida hira. Iha audensia nee diskusaun lao dinamiku tebes,  agora komisaun E iha ona komitmentu atu halo fiskalizasaun ba orsamentu 2020 liu-liu iha MOP nian.

Nia deklara, sira hetan informasaun kona ba 2018 no mos 2019  no mos previzaun ba 2020, neebe dadus husi 2019 no mos 2018 mos iha inklui previzaun ba tinan 2020 nian, previzaun ba tinan ida nee nian tuir governu iha litrus 150 jutas nee boot tebes.

Ami lahusu sira nia klarifikasaun kona orsamentu sae, maibe ami husu kona ba kondisaun fornesementu, tanba nee mak Eto informa katak agora fornese ba sentru Hera kompania rua ona, Eto so fulan 6 deit depois fulan 6 kompania seluk fali ida nee mak problema tanba sentru ida deit tanba sa mak kompania 2,  maibe kompania 2 fornese nee nia presu lahanesan oinsa, Kestiona Abel.

Nia salenta, agora hein lai tanba tenderizasaun ba Eto loos ona iha tinan kotuk, maibe fulan nee mak governu loke fali tenderizasaun ba fulan 6 nian ba Hera, neebe seidauk hotu, maibe, hein katak bele hetan presu neebe baratu liu. So problema ida mak kompania 2 fornese ba fatin ida deit nee se mak atu responsabel ba ida nee.

Prezidente komisaun E  nee esplika, uluk kompania 2 deit hanesan Sakom fornese ba sentru Betanu, Eto fornese ba sentru Hera, maibe komesa iha Setembru mai nee governu halo fali mudansa kompania 3 kedas, Sakom iha Betanu, Hera mak iha kompania 2 kedas Eto ho kompania seluk ida, nia ladun lembra naran, maibe momentu nee manana nia retira. Foin fulan ida nee mak sira atu halo tenderizasaun foun, neebe nia lahatene oinsa mak governu halo ideia ida nee.

Eto foin mak informa ba komisaun E katak sira mos hetan karta husi governu atu labele tuir tenderizasaun ba not ida primeiru, tanba sira fahe nota  primeiru ho segundu, neebe Eto manan not ida segundu, maibe ba tenderizasaun not primeiru agora nee, Eto hetan notifikasaun husi governu atu labele tuir tender, ho kestaun nee ami seidauk hatene i foin rona,  neebe bele husu klarifikasaun MOP no CNA, tenik Abel

Tuir Abel katak, Maibe sei haree tok lei kona ba aprovizionamentu, hakarak nee kompania barak tuir para bele hatene ida neebe mak razoavel liu, atu bele fo benefisiu boot liu ba povu. Se taka dalan ba kompania ida labele tuir konserteza sei lahetan benefisiu .

Hafoin audensia komisaun E ho kompania Eto ho Warsila remata, jornalista sira tenta atu intervista ho kompania Eto, maibe nia teknika sira, husik prezidente komisaun E mak koalia, no sira husik hela fatin enkontru (sai ona).

Iha parte seluk Deputadu PD Antonio da Conceicão hatete, nia parte seidauk hatene, kona ba informasaun governu fo notifikasaun ba kompania Eto hodi la autoriza Eto atu labee tuir tender ba not primeiru, neebe deputadu nee presiza husu konfirmasaun lai. Guilhermina Franco

Komentariu

Facebook Comments

Leave a Reply

Your email address will not be published. Required fields are marked *