TL Uza Konsiliasaun Rezolve FM, Amerika Konsidera Modelu Global

TL Uza Konsiliasaun Rezolve FM, Amerika Konsidera Modelu Global

- in Nasional
443
0
AustralianFlag

DILI – Enviadu espesial husi Prezidente Amerika, Donald Trump konsidera, modelu konsiliasaun konpulsoriu neebe Timor Leste uza, hodi resolve problema Fronteira Maritima (FM) hanesan modelu global ba mundu.

Tuir Enviadu espesial husi Prezidente Amerika, Donald Trump, Vise Sekretariu Adjuntu Gabinete ba Asia Leste no pasifiku iha Estadus Unidus Amerika (EUA), W. Patrick Murph katak, problema FM entre Timor Leste ho Australia nee parte husi EUA respeita tebes prosesu nee.

Estadus Unidus Amerika (EUA) respeita prosesu tomak neebe mak oras nee lao hela dadauk iha internasional sira,” dehan Enviadu espesial husi Prezidente Amerika, Patrick ba jornalista wainhira hasoru malu ho jornalista sira iha embaixada Amerika, Pantai Kelapa-Dili, Kuarta (17/05/2017).

Patrick argumenta, Estadus Unidus Amerika (EUA) sente interesante tebes ba prosesu resolve disputa Fronteira Maritima entre Timor Leste ho Australia, fiar katak ida nee sai modelu ida ba maundu.

Iha fatin ketak, Ministru Negosiu Estranjeiru i Koperasaun (MNEK), Hernani Coelho hatete, iha fulan Abril liu ba, akordu CMATS entre Timor Leste ho Australia invalidu ona. Raimundo S. Fraga

 

Facebook Comments

Leave a Reply

Your email address will not be published. Required fields are marked *