TL Sai Nain Ba FM

TL Sai Nain Ba FM

- in Nasional
62
0
Fronteira

DILI-Iha loron 16 Marsu 2018, TL sai nain ba Fronteira Maritima(FM), maibe resetas husi kampu Greater Sunrise, TL sei kontinua fahe ho Ausralia tanba nee bontade governu TL nafatin koalia Australia, tanba komunikasaun hotu atu lao diak bazeia ba boa bontede husi Austalia ho TL, tan nee tenke hakruk ba lei.

“Ita sei tau lei iha oin, oinsa atu kumpri lei nee rasik, tanba nee prosesu hotu ita sei tau iha lei, oinsa Australia tenke selu fali atividade balun, tanba nee ita tenke hakruk ba lei nee, karik iha relasaun ho pagamentu balun neebe Ausralia tenke halo tuir maka, ita sei tau lei nee iha oin,”dehan Reprezentante governu atual Sekretariu Estadu Komuniksaun Sosial, Mericio Akara ba Jornalista Tersa (23/04/2019) iha Parlamentu Nasional.

Nia mos afirma liu tan katak, governu TL sei tau iha oin bain hira bontade diak TL sei husu Austalia atu selu fila osan sira nee, maibe agora labele koalia uluk lai, hein lai prosesu tuir mai nee dehan oinsa, karik lei fo autorizasaun Australia selu maka sira tenke kumpri.

“Ita fiar Australia sei kumpri lei nee, saida maka ninia dever, saida maka Diretu Timor nian maka, Australia sei respeitu Diretu Timor nian, tanba nee prinsipiu neebe mai ho boa bondade neebe diak, sai mos hanesan Vizinus diak tan nee, laiha intesaun atu miniza malu ka kondena malu, tanba nee iha hanoin ida katak, lei kuandu selu maka sira tenke selu fali 10% neebe Australia han husi Bayu Undang, maibe buat hotu sei hare lai ba lei,”dehan reprezentante governu nee.

Tuir nia katakAustralia hanesan Nasaun ida neebe boot, no sira maka hatene lei tanba nee sira sei kumpri, tanba nee bazeia ba tratadu no lei konaba atividade petroleum sira, tan nee governu sei tau boa bontde iha oin, lei no regra maka sei regula. Prosesu ba lei nee la dadauk ona no hein tratadu nee atu akontese tanba nee, parte TL prontu no laiha problema. Tanba nee boa bontade TL ho Australia sei asina ratifikasaun nee iha tinan ida nee nia laran no Australia atu selu ka, la selu nee lei maka sei kondena.

Iha fatin hanesan Deputadu Antonino Bianco hatutan, too agora Fronteira Maritima(FM) seidauk hetan ratifika tanba uluk Bayu Undang seidauk TL iha 90% no Australia iha deit 10% maibe agora dadauk TL dada ona mai, maka TL iha 70% no Australia iha 30%.

“Hau hanoin preokupasaun ba ita maka nee, ita iha ona FM nusa maka ita hetan deit 70% nusa la 100% deit ona, consensus nee liga ba planu neebe iha, tanba nee husu ba parte relevante sira tenke justifika lolos, no too agora parte goverbu eidauk mai koalia iha Parlamentu, tanba hare ba Bayu Undang nee besik hotu semakatu jere,”dehan Deputadu nee.

Nia mos afirma liu tan katak, TL haruka Australia atu selu nee iha parte neebe, tanba nee husu ba parte governu atu mai fo espelikasaun rum aba iha Parlamentu Nasional.

Iha parte seluk informasaun neebe, espalla iha media sosial katak, tuir Tratadu 2018 nee regula katak 70% husi Kampu GS monu ba RDTL nia teritoriu, no 30% monu ba Australia nia teritoriu. Tanba tuir UNCLOS, RDTL-Australia hotu-hotu iha direitu ba Kampu GS maka durante konsiliasaun Nasaun rua hamosu rejime espesial ba Kampu GS.

Tuir rejime espesial ba Kampu GS nee hateten katak, RDTL hetan reseita 80% no Australia 20% se karik Kadoras husi GS dada ba Australia, no RDTL hetan reseita 70% no Australia 30% se karik Kadoras GS dada mai Beaço-RDTL. Tanba regulamentu Lei Internasional konaba Tasi ka UNCLOS maka hakarak ka lakohi RDTL-Australia Tenke fahe reseita husi kampu GS nian.

Enkuantu reseita husi kampu seluk hanesan Bayu Undang sei la fahe tan ona ho Australia tanba Kampu nee tama tomak ona mai RDTL nia teritoriu. Tanba nee Xefi negosiador ba Fronteira Maritima, Xanana Gusmao prontu atu fahe reseita 30% ba Australia no prefere atu Dada Kadoras Mai Beaço RDTL atu kria oportunidade empregu ba Timoroan sira hotu, Tanba hanesan Kadoras Bayu Undang haburas ona Darwin, Xanana hakarak Kadoras GS tenke haburas ekonomia Povu Timor-Leste tomak.*

Madalena Horta/Guilhermina Franco

 

Komentariu

Facebook Comments

Leave a Reply

Your email address will not be published. Required fields are marked *