TL Presiza Laboratorium Testi Produtu Importasaun

TL Presiza Laboratorium Testi Produtu Importasaun

- in Economics
435
0
Laboratorium DNA

DILI-Governu tenke sosa makina laboratorium ida, atu nunee bele halo testi ba aihan importasaun tanba, povu TL maioria konsume produtu importasaun liu liu iha Warun, Restorante no uma, tanba konsumedor sira la hatene nia impaktu saude nee iha la lae tanba tanba povu hatene atu kosume deit.

Preokupsaun nee foo sai husi reprezentante povu iha uma fukun Parlamentu Nasional Deputadu Adriano do Nacimento ba STL segunda (13/02/2017) iha nia kaar fatin PN.

Hau hanoin ita presiza laboratorium ida atu nunee bele halo testi ba aihan sira neebe maka importa mai husi rai liur tanba, aihan sira neebe maka konsume iha  warun no restorante sira nee laos produtu rai laran, maibe aihan importasaun hotu deit no povu hatene konsume deit maibe la hatene ninia impaktu ba saude nee iha ka lae. Tanba povu barak maka hetan ona  moras oin oin, balarik tinan kiik sira nee mos moras tensaun kona, tan nee presiza laboratoriu atu prevene moras iha rai laran,”informa Deputadu Adriano do Nacimentu.

Nia mos salient tan katak, impaktu husi konsume aihan la liu husi laboratorium nee halo povu barak maka sai vitima ona ba moras, tanba ikus-ikus nee labarik tinan kiik mos hetan moras oin oin.

Iha fatin hanesan Deputadu Agostinho Lay mos hatutan katak, durante nee TL tara aan liu ba produtu importasaun husi rai liur tanba produtu impotasaun sira nee faan iha loja folin baratu deit duke produtu rai laran.

Nunee mos Deputada Florentina Smith mos hatutan katak, PN kestiona makas konaba laboratorium tanba too agora seidauk iha makina ida atu halo teste ba aihan sira neebe hatama mai husi rai liur. Madalena Horta

Facebook Comments

Leave a Reply

Your email address will not be published. Required fields are marked *