TL Hakotu Ona Sosa Conoco-Shell

TL Hakotu Ona Sosa Conoco-Shell

- in Nasional
100
0
IMG_5712

DILI-Membru Parlamentu Nasional, hatoo parabens ba povu TL, liu-liu Xefi Negosiudor Fronteira Maritima, Xanana Gusmao. Tanba halo ona esforsu hodi sosa partesipasaun Conoco Philips no Shell enerjia hakotu ona ohin (red horseik).

Ita agradese tanba prosesu sosa partesipasaun Conoco ho Shell energia ohin (red horseik) bele remata ona, prosesu nee hotu ona tanba nee ita bele hare fali ba oinn,”dehan Deputada Maria Barreto liu husi sesaun plenaria Tersa (16/04/2019) iha Parlamentu Nasional.

Nia mos afirma liu tan katak, lolos nee governu halo ona transferensia osan iha fulan kotuk ba nee, maibe tanba kompana rua nee maka muda prosesu ka tunda, tanba nee prosesu nee foin lao iha horseik ho ohin finalize ona, tanba nee povu tomak agradese tanba Xefi negosiudor nee bele finalize servisu ida nee.

Iha fatin hanesan  Ministru reforma lezislativa e asuntu Parlamentar Fidelis Magalhaens hatutan, governu liu husi Primeiru Ministru Taur Matan Ruak fo sai ona katak, Timor Leste hola ona prosesu pagamentu ba asaun  Conoco ho Shell, pagamentu lao hotu tiha ona, TL iha 56%.

Tuir informasaun neebe STL asesu katak, Prosesu Sosa Asaun ConocoPhilips ho Shell Energy tama ona iha faze final. Ohin (16/4/2019) iha Singapore Xefi Negosiador, Kay Rala Xanana Gusmao ho ekipa konklui ona prosesu sosa no hola partisipasaun Iha Joint Venture iha projetu Greater Sunrise.

Ida nee marka tan pasu importante tebes, iha prosesu asegura Riku Soin TL neebe hahu kedas ho Fronteira Maritima, no agora partisipa diretamente iha explorasaun TL nia riku soin.

Hafoin halo Pagamentu, Timor Leste liu husi TIMOR GAP sei kolia ho joint venture sira atu hahu prosesu dada Kadoras mai Beasu Timor Leste. Madalena Horta/Guilhermina Franco

Komentariu

Facebook Comments

Leave a Reply

Your email address will not be published. Required fields are marked *