TL Ameasa Multa Milaun 300

TL Ameasa Multa Milaun 300

- in Politics
31
0
download (3)

DILI-Timor Leste  iha ameasa selu multa ba  Kompania Light House (LH), tanba governu hapara kontratu no Supremu Tribunal Vitoria hasai ona desizaun, atu Tribunal Vitoria bele halo julgamentu kazu nee.

Vise Bankada Fretilin, Deputadu Francisco Branco dehan media publika ona, i apar situasaun ikus husi supremu Tribunal Vitoria nian, kona ba estadu TL, governu halo pedidu ba supremu tribunal atu invalida kestaun neebe atu hetan julgamentu. Maibe ikus mai supremu Tribunal Vitoria hasai desizaun katak Tribunal  Vitoria iha poder judisional atu halo julgamentu ba kazu entre Governu TL ho empreza Light House Koorporation neebe halo keisa.

Ida nee preokupasaun ba ita, tanba estadu mak komplikadu iha prosesu nee, ita ho evolusaun prosesu nee estadu TL ameasa bele selu multa ba empreza Lite House koorporation  liu 300 milaun dolares, hatete Branco ba Jornalista iha Bankada Fretilin PN,  Kinta (12/12/2019).

Nia hatutan atu multa, maibe hare ba nasaun limitasaun orsamentu, atu aloka ba setor sira importante, hanesam edukasaun, saude no seluk  hodi dezenvolve povu nia moris, maibe TL tenke hasoru problema nee hodi multa empreza neebe sente katak nia direitu TL viola.

Ida nee mos refleta katak durante tinan hira ba kotuk nee nakonu ho iha abuzu poder, KKN barak nakonu iha sistema nia laran mak mosu kazu sira  hanesan nee. Tanba halo tiha kontratu ida maibe depois hakotu iha klaran hodi fo fali ba kompania seluk, sistema nee nakonu ho familiarizmu, hodi halakon povu nia osan, atu hodi dezenvolve nasaun no povu maibe tenke selu multa.

Karik desizaun tribunal Vitoria, TL bele halo rekursu ou lae, nee Supremu Tribunal ona sira hanoin katak supremu deside ona katak  iha razaun atu tribunal vitoria mak iha poder juridika atu halo julgamentu kazu ida nee.

Dala ida tan ami prokupa i kondena ita nia governu anterior neebe hasai desizaun nakonu ho nepotizmu no KKN, ikus mai nia konsekuensia TL nudar estadu tenke simu todan, hodi selu ba empreza Australiana, tenik Branco

Deputadu Fretilin nee kestiona atu multa governu atu foti osan husi neebe, maibe  mos, nee sala husi ezekutivu sira mak hasai desizaun, tuir loos, tenke responsabilidade tanba iha desizaun kontratu prosesu lao hela, maibe hakotu tiha hodi fo ba kompania seluk, nee labele akontese tan.

Nia esplika, hanesan uluk akontese Portu Hera, selu multa laos nee deit maibe barak, tanba nee preokupa tanba hotu-hotu hola parte iha estadu ida nee, governu halo sala tenke preokupa atu kazu sira nee labele akontese tan.

Nunee mos Xefe Bankada CNRT Deputadu Duarte Nunes hatete,  dehan katak TL atu multa ba Lite House, nee la fo multa, maibe nee desputa ida,  hakarak tenke ba hatan iha  Tribunal Vitoria Australia.

Kontratu nee halo ho ita iha Timor, maibe ba hatan fali iha Tribunal Vitoria Australia, nee lei lao oinsa, tanba ida fronteira deit ita ba internasional mak halo arbitrazen sa tan ida nee, maibe  nee ema mak aproveita hodi politiza situasaun, hatete Duarte.

Duarte informa TL atu multa nee, kuandu desizaun iha mak multa, maibe desizaun iha neebe,  tribunal nee mak dehan atu ba halo julgamentu iha neeba maibe TL atu ba iha neeba halo saida.

Ida nee mak ita kestiona, maibe hau fiar katak situasaun sira nee, estadu hatene i sira prepara, atu multa nee dalan mak laiha karik tanba kontratu iha nasaun Timor hodi halao servisu, neebe tuir loos tribunal iha tribunal Timor mak tesi laos lori ba fali Australia, tenik xefe bankada CNRT.

Nia hatutan karik hotu-hotu konkorda katak lori ba tribunal internasional nee buat seluk, maibe nia parte lakohi komentariu tanba nee parte justisa nian. Atu estadu TL deside ba julgamentu iha tribunal Vitoria ka lae nee parte justisa mak hatene, nia parte lahatene. Guilhermina Franco

Komentariu

Facebook Comments

Leave a Reply

Your email address will not be published. Required fields are marked *