Tinan Oin, Waskita Karya Finaliza Konstruksaun Ponte Ho Estrada

Tinan Oin, Waskita Karya Finaliza Konstruksaun Ponte Ho Estrada

- in Distritu
2904
0
monumento_lifau

AMBENO-Kompania Waskita Karya husi Indonesia mak durante kaer obra mega-projetu ZEESM TL iha Ambeno, Oecusse, liliu halo konstruksaun ponte no estrada husi Noefefan ba too fronteira Sakato promete, sira sei finaliza obra nee iha tinan oin.

Deklarasaun nee hatoo husi Deputi Project Manager Waskita Karya ba Konstruksaun Ponte no Estrada Pakote I (Satu) ZEESM TL iha Oecusse, Eng. Sihar P. Hasibuan ba STL iha Ponte Oebau, Suku Costa, Pante Makasar, Segunda (23/10/2017).

Konstruksaun fiziku estrada no ponte neebe sira halao, hahu husi Noefefan/Mota Tono ba too fronteira Sakato ho distansia 20 km. Obra hirak nee sira sei finaliza tinan 2018. Konstruksaun ponte no estrada neebe sira halo, hatudu kualidade diak. Alkatraun ba estrada nia mahar 10 cm no ponte 4 neebe sira konstrui, uza besi baja pelengkung (kleuk). Obra hirak nee hatudu kualidade diak, i konstruksaun hot-hotu, halo husi Kompania Waskita Karya (husi Indonesia).

Nia esplika, alkatraun ba estrada husi Noefefan ba too fronteira Sakato, uza alkatraun/aspal weringkos dua lapis, ho ninia mahar 10 cm (lapis primeiru ninia mahar 6 cm, lapis kedua 4 cm). konaba ponte hanesan Ponte Noefefan ba too fronteira Sakato, iha obra oin rua. Ida, estruktura ponte, ida seluk konaba croscring (boskalfot no pipa gorong-gorong/ersipi) neebe korta/melintas estrada, konta hamutuk kuaze 50.

Husi projetu konstruksaun ponte no estrada pakote I nee, sira halo ponte 4. Ponte primeiru iha Mota Cutete ho nia distanisa 25 m, konstruksaun uza besi baja, segundu, Ponte Mahata ho ninia distansia 16 m, konstruksaun fiziku uza besi baja,  terseiru Ponte Oesono ho ninia distansia 25, konstruksaun fiziku uza besi baja pelengkung (kleuk), no kuatru Ponte Oebau ho ninia distansia 25 m, mos konstruksaun fiziku uza baja pelengkung.

Ponte hirak nee, Waskita Karya servisu etapa (bertahap), atu finaliza mos etapa tanba problema dezenhu. Kuandu dezenhu iha problema tenke haruka ba Portugal hodi teliti/haree didiak, depois mak haruka fali mai. Tanba nee servisu lao tarde uit oan, atu finaliza mos tenke etapa (bertahap). Tuir planu, iha fin de Marcu 2018, ponte rua tenke finaliza, depois too fin de Junhu 2018, ponte rua finaliza tan.

Haktuir ba kestaun nee, Direktur Obras Publiku RAEOA Candido dos Reis Amaral hateten, projetu ponte no estrada pakote I (satu) neebe Waskita Karya halao, seidauk too 65% tamba konstruksaun ponte seidauk finaliza. Tuir lolos tenke remata iha Novembru 2017 maibe tanba kestaun tekniku, tinan oin mak sei remata. Konaba alkatraun ba estrada, kuaze 99% hotu ona, presiza hadia deit parte balu para kompleta. Abilio Elo Nini

Facebook Comments

Leave a Reply

Your email address will not be published. Required fields are marked *